ອາເມລິກາບໍ່ຮ່ວມມືກັບຊີຣີໃນບັ້ນຮົບບຸກໂຈມຕີທາງອາກາດIS
ທ່ານປະທານາທິບໍດີ ອາເມລິກາ Barack Obama
(ພາບ: vtv.vn)
(vovworld) – ອາເມລິກາ ບໍ່ມີເຈດຈຳນົງຮ່ວມມືກັບ ຊີຣີ ໃນບັນດາບັ້ນຮົບບຸກໂຈມຕີທາງອາກາດ ແນໃສ່ບັນດາເປົ້າໝາຍຂອງກຸ່ມທະຫານກະບົດທີ່ອ້າງຊື່ວ່າ “ລັດອິດສະລາມ” (IS). ໃນການຕອບສຳພາດເມື່ອວັນທີ 14/9 ໃນຊ່ອງ CBS, ທ່ານລັດຖະມົນຕີການຕ່າງປະເທດ ອາເມລິກາ John Kerry ໄດ້ຍົກອອກຄຳຖະແຫຼງດັ່ງກ່າວ, ແຕ່ຢັ້ງຢືນ ອາເມລິກາ ຈະມານະພະຍາຍາມຮັບປະກັນບໍ່ປະໃຫ້ເກີດການປະທະກັນລະຫວ່າງບັນດາກຳລັງຂອງ 2 ປະເທດ. ທ່ານລັດຖະມົນຕີການຕ່າງປະເທດ ອາເມລິກາ ຊີ້ແຈ້ງວ່າ: “ທຸກໆວຽກງານໄດ້ກຽມພ້ອມ” ໃຫ້ແກ່ບັ້ນຮົບຕ້ານ IS ໂດຍ ອາເມລິກາ ນຳໜ້າ. ທ່ານລັດຖະມົນຕີ John Kerry ຢັ້ງຢືນວ່າ: ບັນດາພັນທະມິດຂອງ ອາເມລິກາ ຢູ່ ຕາເວັນອອກກາງ ແລະ ພາກພື້ນອື່ນກຽມພ້ອມໜູນຊ່ວຍ, ຊ້ຳບໍ່ໜຳບາງປະເທດໄດ້ສະເໜີຜັນຂະຫຍາຍທະຫານບົກ ໃນຂະນະທີ່ບາງປະເທດອື່ນສະເໜີດຳເນີນການບຸກໂຈມຕີທາງອາກາດ ພ້ອມກັບ ອາເມລິກາ ຖ້າຈຳເປັນ.