ອາເມລິກາປະກາດ ຍຸດທະສາດປ້ອງກັນຊາດໃໝ່
ວັນທີ 5/1, ທ່ານປະທານາທິບໍດີ Barack Obama ໄດ້ປະກາດຍຸດທະສາດປ້ອງກັນຊາດໃໝ່ຂອງ ອາເມລິກາ, ໃນນັ້ນເນັ້ນໜັກເຖິງການເພີ່ມທະວີການມີໜ້າຂອງທະຫານອາເມລິກາຢູ່ ອາຊີ - ປາເຊຟິກ, ໂດຍບໍ່ຫົວຊາຕໍ່ງົບປະມານສຳລັບການປ້ອງກັນຊາດຖືກຫຼຸດລົງ ຫຼາຍຕື້ USD. ໃນຍຸດທະສາດໃໝ່, ກະຊວງປ້ອງກັນປະເທດ ອາເມລິກາໄດ້ວາງອອກບາງບຸລິມະສິດໃຫ້ແກ້ການປ້ອງກັນປະເທດລວມມີ: ສືບຕໍ່ມີແນວທາງຢ່າງຕັ້ງໜ້າຕ້ານບັນດາການນາບຂູ່ພວກຫົວຮຸນແຮງ ແລະ ກໍ່ການຮ້າຍ, ຮັກສາການມີໜ້າຂອງກຳລັງທະຫານຂອງ ອາເມລິກາ ແລະ ພັນທະມິດຢ່າງໜ້ອຍສຸດ, ແລະ ໜູນຊ່ວຍບັນດາຄູ່ຮ່ວມມືຢູ່ໃນຕາເວັນອອກກາງ ແລະ ເຂດອ້ອມແອ້ມ. ຍຸດທະສາດເນັ້ນໜັກການພັດທະນາແນວທາງມີຈຳນວນປະຈຳການຫນ້ອຍ, ບໍ່ສິ້ນເປື້ອງ ແລະ ມີຫົວຄິດປະດິດສ້າງ ເພື່ອປະຕິບັດບັນດາຈຸດໝາຍປ້ອງກັນຄວາມສະຫງົບ, ປະຕິບັດບັນດາການເຄື່ອນໄຫວຕ້ານການແຜ່ຂະຫຍາຍອາວຸດລ້າງຜານ ແລະ ພິເສດແມ່ນເນັ້ນໜັກ ສ້າງຄວາມສົມດູນດ້ານກຳລັງທະຫານຢູ່ພາກພື້ນອາຊີ - ປາເຊຟິກຄືນໃໝ່.