(VOVWORLD) -ໃນບົດສະຫຼຸບສະບັບສຸດທ້າຍ, DOC ໄດ້ຢັ້ງຢືນວ່າ ລະດັບພາສີຕ້ານການຂາຍບຸບລາຄາສຳລັບບໍລິສັດຫຸ້ນສ່ວນ ວິງຮ່ວານ ແລະ ບໍລິສັດຫຸ້ນສ່ວນ ນາມຫວຽດ ໃນບັ້ນກວດກາຄັ້ງນີ້ແມ່ນຢູ່ໃນລະດັບ 0 USD/ກິໂລກຼາມ.
ວັນທີ 28 ມິຖຸນາ, ກະຊວງການຄ້າ ອາເມລິກາ (DOC) ໄດ້ປະກາດໃຊ້ບົດສະຫຼຸບສະບັບສຸດທ້າຍຂອງບັ້ນກວດກາຄືນພາສີຕ້ານການຂາຍບຸບລາຄາຄັ້ງທີ 16 (POR16) ສຳລັບໄລຍະກວດກາຄືນ ນັບແຕ່ວັນທີ 1 ສິງຫາ 2018 ຫາວັນທີ 31 ກໍລະກົດ 2019 ສຳລັບປາຈາ, ບາຊາ ຂອງຫວຽດນາມ.
ໃນບົດສະຫຼຸບສະບັບສຸດທ້າຍ, DOC ໄດ້ຢັ້ງຢືນວ່າ ລະດັບພາສີຕ້ານການຂາຍບຸບລາຄາສຳລັບບໍລິສັດຫຸ້ນສ່ວນ ວິງຮ່ວານ ແລະ ບໍລິສັດຫຸ້ນສ່ວນ ນາມຫວຽດ ໃນບັ້ນກວດກາຄັ້ງນີ້ແມ່ນຢູ່ໃນລະດັບ 0 USD/ກິໂລກຼາມ. ສຳລັບບັນດາບໍລິສັດນຳເຂົ້າ, ສົ່ງອອກ ປາຈາ, ບາຊາ ແຫ່ງຕ່າງໆຂອງ ຫວຽດນາມ, ລະດັບພາສີຕ້ານການຂາຍບຸບລາຄາແມ່ນບໍ່ປ່ຽນແປງ, ຍັງຢູ່ລະດັບ 2,39 USD/ກິໂລກຼາມ. ເບິ່ງລວມແລ້ວ, ນີ້ແມ່ນໝາກຜົນທີ່ຕັ້ງໜ້າສຳລັບຂະແໜງການຜະລິດ, ສົ່ງອອກສິນໃນນ້ຳຂອງ ຫວຽດນາມ.
ປັດຈຸບັນ, DOC ພວມດຳເນີນການກວດກາຄືນລະບຽບການພາສີຕ້ານການຂາຍບຸບລາຄາຄັ້ງທີ 17 (POR17). ກະຊວງອຸດສາຫະກຳການຄ້າຈະສືບຕໍ່ສົມທົບຢ່າງແໜ້ນແຟ້ນ ກັບສະມາຄົມປຸງແຕ່ງ ແລະ ສົ່ງອອກສິນໃນນ້ຳຫວຽດນາມ, ບັນດາວິສາຫະກິດສົ່ງອອກຂອງ ຫວຽດນາມ ແລະ ຝ່າຍອາເມລິກາ ເພື່ອແກ້ໄຂບັນດາບັນຫາທີ່ກ່ຽວຂ້ອງເຖິງການຮັບປະກັນສິດ ແລະ ຜົນປະໂຫຍດອັນຊອບທຳຂອງ ຫວຽດນາມ ວຽກງານດັ່ງກ່າວ.