ທ່ານ John Podesta ທູດພິເສດກ່ຽວກັບດິນຟ້າອາກາດຂອງອາເມລິກາ  (ພາບ: Yonhap/TTXVN)

ວັນທີ 11 ພະຈິກ, ທ່ານ John Podesta ທູດພິເສດກ່ຽວກັບດິນຟ້າອາກາດຂອງອາເມລິກາ ຢືນຢັນ: ອາເມລິກາ ຈະສືບຕໍ່ການຕໍ່ສູ້ຕ້ານການປ່ຽນແປງຂອງດິນຟ້າອາກາດ ໂດຍບໍ່ຫົວຊາຕໍ່ເລື່ອງທ່ານ Donald Trump ໄດ້ຮັບເລືອກຕັ້ງເປັນປະທານາທິບໍດີ ອາເມລິກາ ຄືນໃຫມ່. ຕາມຖະແຫລງການໂດຍໄດ້ຍົກອອກມາຢູ່ ກອງປະຊຸມຄັ້ງທີ 29 ບັນດາຝ່າຍເຂົ້າຮ່ວມສົນທິສັນຍາແມ່ຂອງ ສປຊ ກ່ຽວກັບການປ່ຽນແປງຂອງດິນຟ້າອາກາດ (COP29) ພວມດຳເນີນຢູ່ ບາກູ ໄອແຊກບາຍຢານ, ທ່ານ Podesta ຍອມຮັບວ່າ ໄລຍະຈະມາເຖິງ ອຳນາດການປົກຄອງອາເມລິກາ ອາດຈະມີການປ່ຽນແປງບັນດານະໂຍບາຍກ່ຽວກັບດິນຟ້າອາກາດ ແຕ່ທ່ານສະແດງຄວາມເຊື່ອໝັ້ນວ່າ ບັນດານະຄອນ, ລັດນ້ອຍ ແລະ ພົນລະເມືອງ ອາເມລິກາ ຈະສືບຕໍ່ ມານະພະຍາຍາມໃນການຕໍ່ສູ້ນີ້.         

ດ້ວຍການເຂົ້າຮ່ວມຂອງຜູ້ແທນກວ່າ 51.000 ຄົນ, ກອງປະຊຸມໄດ້ດຳເນີນໄປໃນສະພາບການປີ 2024 ໄດ້ຮັບການຄາດຄະເນວ່າ ຈະສ້າງລະດັບສະຖິຕິກ່ຽວກັບອຸນຫະພູມ, ກໍ່ກຳລັງດັນໃຫຍ່ເພື່ອໃຫ້ບັນດາລັດຖະບານມີການກະທຳຢ່າງຂ້ຽວຂາດກວ່າໃນການຫລຸດຜ່ອນອາຍພິດເຮືອນແກ້ວ.