(vovworld) - ດ້ວຍຄວາມຫວັງສາມາດສະກັດກັ້ນໄດ້ກຳລັງແຮງ ຂອງບັນດາມືປືນກຸ່ມລັດອິດສະລາມ (IS) ອ້າງຊື່ເອງ ຢູ່ອີຣັກ, ທ່ານປະທານາທິບໍດີອາເມລິກາ Barack Obama ໄດ້ຕົກລົງສົ່ງທະຫານຕື່ມອີກ 450 ຄົນເຂົ້າບັ້ນຮົບຢູ່ປະເທດເຂດຕາເວັນອອກກາງນີ້. ຂໍ້ຕົກລົງດັ່ງກ່າວໄດ້ຍົກຈຳນວນທະຫານອາເມລິກາ ທີ່ເຂົ້າຮ່ວມບັ້ນຮົບຕ້ານ IS ຢູ່ອີຣັກ ຂຶ້ນເຖິງເກືອບ 3.600 ຄົນ. ບົດບາດໜ້າທີ່ຕົ້ນຕໍ່ຂອງກຳລັງທະຫານເພີ່ມເຕີ່ມອາເມລິກາ ແມ່ນຊ່ວຍຝຶກອົບຮົມ, ໃຫ້ຄຳປຶກສາ ແລະ ໜູນຊ່ວຍບັນດາກຳລັງປ້ອງກັນຄວາມສະຫງົບຂອງອີຣັກ ຢູ່ຖານທີ່ໝັ້ນການທະຫານຂຶ້ນກັບແຂວງ Anbar, ເຊິ່ງເປັນເມືອງເອກແຂວງນີ້ໄດ້ຖືກ IS ບຸກໂຈມຕີຢືດຄອງເມື່ອເດືອນ 05 ຜ່ານມາ. ນອກຈາກການໜູນຊ່ວຍບັນດາກຳລັງອີຣັກ ຢືດເອົາບັນດາເຂດທີ່ IS ຢຶດຄອງກ່ອນນີ້ແລ້ວ, ຈຸດປະສົງຂອງກຳລັງທະຫານເພີ່ມເຕີ່ມແມ່ນສະກັດກັ້ນບັນດາມືປືນຕ່າງປະເທດທີ່ແຊກຊຶມເຂົ້າອີຣັກ ແລະ ຊີຣີ.