(vovworld) – ວັນທີ 18/4, ທ່ານ Aston Carter, ລັດຖະມົນຕີວ່າການກະຊວງປ້ອງກັນປະເທດ ອາເມລິກາ ປະກາດວ່າ: ປະເທດນີ້ຈະຜັນຂະຫຍາຍພົນທະຫານໄປຍັງ ອີຣັກ ຕື່ມອີກ ແລະ ເປັນຄັ້ງທຳອິດໄດ້ສົ່ງເຮືອບິນເອລີກອບແຕ Apache ເຂົ້າຮ່ວມບັ້ນຮົບຕ້ານຄືນອົງການ “ລັດອິດສະລາມ” (IS) ອ້າງຊື່ເອງ ຢູ່ ອີຣັກ. ເຈົ້າໜ້າທີ່ຂັ້ນສູງທ່ານໜຶ່ງຂອງກະຊວງປ້ອງກັນປະເທດ ອາເມລິກາ ໃຫ້ຮູ້ວ່າ: ມີພົນທະຫານປະມານ 200 ຄົນຈະໄດ້ຮັບການຜັນຂະຫຍາຍໃນໄລຍະຈະມາເຖິງ, ຍົກຍອດຈຳນວນທະຫານ ອາເມລິກາ ທີ່ມີໜ້າຢູ່ ອີຣັກ ຂຶ້ນເຖິງຈຳນວນປະມານ 4.000 ຄົນ. ກຳລັງໃໝ່ນີ້ລວມມີຜູ້ທີ່ປຶກສາ, ຄູເຝິກ, ຈຸບິນໜູນຊ່ວຍການບິນທົດລອງ ແລະ ກຳລັງປ້ອງກັນຄວາມສະຫງົບ. ນອກນັ້ນ, ທຳນຽບ 5 ແຈກໍ່ໄດ້ສ້າງແຜນການໜູນຊ່ວຍດ້ວຍຈຳນວນເງິນ 415 ລ້ານ USD ໃຫ້ແກ່ກຳລັງຊາວ Kurd ໃນສະພາບການອຳນາດການປົກຄອງຊາວ Kurd ພວມປະສົບກັບຄວາມຫຍຸ້ງຍາກຍ້ອນການຂາດດຸ່ນງົບປະມານ.