ເຮືອບິນອາເມລິກາ
photo:internet
|
(vovworld)- ໃນການບຸກໂຈມຕີທາງອາກາດເມື່ອວັນທີ 6/9, ທະຫານອາເມລິກາ ໄດ້ນຳໃຊ້ບັນດາເຮືອບິນສູ້ຮົບ, ເຮືອບິນບຸກໂຈມຕີ ແລະ ເຮືອບິນບໍ່ມີຄົນຂັບ ເພື່ອດຳເນີນການບຸກໂຈມຕີທາງອາກາດ 2 ຄັ້ງ ໃນວັນທີ 5 ແລະ 6/9 ເພື່ອຫນູນຊ່ວຍບັນດາການເຄື່ອນໄຫວປ້ອງກັນຄວາມສະຫງົບຢູ່ມໍ່ກັບນະຄອນ Irbil ເມືອງເອກຂອງເຂດປົກຄອງດ້ວຍຕົນເອງຂອງຊາວ Kurd ຢູ່ພາກເຫນືອ ອີຣັກ. ການບຸກໂຈມຕີ ທາງອາກາດ 2 ຄັ້ງດັ່ງກ່າວໄດ້ທຳລາຍ ລົດຫຸ້ມເກາະ 4 ຄັນ ແລະ ລົດເກັງ 2 ຄັນຂົນສົ່ງອາວຸດຂອງກຳລັງ ລັດອິດສະລາມ IS. ການປະຕິບັດບັນດາການບຸກໂຈມຕີທາງອາກາດດັ່ງກ່າວ ແມ່ນເພື່ອປົກປ້ອງບັນດາພາລະກອນ ແລະ ສຳນັກງານການທູດຂອງ ອາເມລິກາ ຢູ່ ອີຣັກ ກໍຄືຫນູນຊ່ວຍບັນດາການເຄື່ອນໄຫວມະນຸດສະທຳ ແລະ ຊ່ວຍເຫລືອກຳລັງປ້ອງກັນຄວາມສະຫງົບອີຣັກ ຍູ້ແຮງບັ້ນຮົບດັບສູນພວກກະບົດ. ນັບແຕ່ວັນທີ 8/8 ມາຮອດປະຈຸບັນ, ກອງທັບ ອາເມລິກາ ໄດ້ດຳເນີນການບຸກໂຈມຕີ 133 ຄັ້ງ ໃສ່ພາກເຫນືອ ອີຣັກ.