(vovworld) - ວັນທີ 21/03, ທ່ານປະທານນາທິບໍດີອາເມລິກາ Barack Obama ໄດ້ຢືນຢືນຄືນໃໝ່ຄຳໝັ້ນສັນຍາຂອງ ວໍຊິງເຕັນ ຕໍ່ເລື່ອງສ້າງຕັ້ງລັດປາແລດສຕິນ ເອກະລາດ ແລະ ມີອະທິປະໄຕພ້ອມກັບອິດສຣາແອນ. ກ່າວຄຳເຫັນທີ່ກອງປະຊຸມຂ່າວຮ່ວມພາຍຫຼັງການເຈລະຈາກັບທ່ານປະທານາທິບໍດີ ປາແລດສຕິນ Mahmoud Abbas ຢູ່ນະຄອນ Ramallah ຂຶ້ນກັບເຂດຝັ່ງຕາເວັນຕົກແມ່ນ້ຳຈໍແດນ, ທ່ານປະທານາທິບໍດີ Obama ຢືນຢັນວ່າ “ປະຊາຊົນ ປາແລດສຕິນ ສົມເປັນລັດເອກະລາດ, ມີອະທິປະໄຕ ແລະ ຢຸດຕິການຢືດຄອງຂອງອິດສຣາແອນ”, ພ້ອມທັງເນັ້ນໜັກວ່າ ການເຈລະຈາໂດຍກົງລະຫວ່າງ 2 ຝ່າຍແມ່ນເສັ້ນທາງເພື່ອບັນລຸໄດ້ຈຸດໝາຍສ້າງຕັ້ງລັດປາແລດສຕິນ. ທ່ານ Obama ຖະແຫຼງວ່າ, ຈະສືບຕໍ່ຊຸກຍູ້ບັນດາການເຈລະຈາສັນຕິພາບລະຫວ່າງອິດສຣາແອນ ແລະ ປາແລດສຕິນ ເຊິ່ງພວມຖືກຢຸດສະງັກ ແລະ ສະແດງຄວາມ “ເຊື່ອໝັ້ນຕໍ່ແງ່ຫວັງຈະມີລັດປາແລດສຕິນ ຄົງຕົວພ້ອມກັບລັດຊາວຢີວ ຖ້າຫາກບັນດາການເຈລະຈາໂດຍກົງຖືດດຳເນີນຄືນ”.