(vovworld) – ຕອນເຊົ້າວັນທີ 23/5 (ຕາມເວລາ ຫວຽດນາມ), ທຳນຽບຂາວຖະແຫຼງວ່າ: ອາເມລິກາ ອາດຈະສະໜັບສະໜູນ ເລື່ອງ ຫວຽດນາມ ນຳໃຊ້ການກະທຳດ້ານນິຕິກຳສຳລັບ ຈີນ ໃນເຫດການ ຈີນ ຕັ້ງຮ້ານເຈາະນ້ຳມັນ ໄຮຢາງ 981 ຜິດກົດໝາຍໃນເຂດເສດຖະກິດຈຳເພາະ ແລະ ເຂດໄຫຼ່ທະວີບຂອງ ຫວຽດນາມ.
ກ່າວຄຳເຫັນຕໍ່ສື່ມວນຊົນ, ໂຄສົກທຳນຽບຂາວ Patrick Ventrell ຢືນຢັນວ່າ: ວໍຊິງຕັນ ສະໜັບສະໜູນເລື່ອງນຳໃຊ້ບັນດາມາດຕະການສັນຕິພາບ ເພື່ອແກ້ໄຂສະພາບເຄັ່ງຕຶງໃນປະຈຸບັນຢູ່ທະເລຕາເວັນອອກ. ທ່ານເນັ້ນໜັກເລື່ອງ ອາເມລິກາມີຜົນປະໂຫຍດແຫ່ງຊາດໃນການຮັກສາສັນຕິພາບ ແລະ ສະຖຽນລະພາບ, ເຄົາລົບກົດໝາຍສາກົນ, ພົວພັນການຄ້າຖືກຕາມກົດໝາຍໂດຍບໍ່ຖືກກີດຂວາງ, ຄວາມເສລີການເດີນເຮືອ ແລະ ການບິນຢູ່ບໍລິເວນທະເລຕາເວັນອອກ. ວໍຊິງຕັນສະໜັບສະໜູນເລື່ອງນຳໃຊ້ມາດຕະການດ້ານການທູດ ແລະ ບັນດາມາດຕະການສັນຕິພາບອື່ນໆອີກເພື່ອແກ້ໄຂຄວາມບໍ່ລົງລອຍກັນ, ໃນນັ້ນມີການນຳໃຊ້ກຳມະການ ຫຼື ບັນດາກົນໄກດ້ານນິຕິກຳສາກົນອື່ນໆ.
ໃນສະພາບການກ່ຽວຂ້ອງ, ດຣ ໂງຍືບິ່ງ, ຫົວໜ້າພາກພາສາ ຫວຽດນາມ ຂຶ້ນກັບພະແນກອະລິຍະໄທ ແລະ ພາສາສາດ ອາຊີ ຕາເວັນອອກ, ມະຫາວິທະຍາໄລ Harvard, ໃຫ້ຮູ້ວ່າ: ທີ່ກອງປະຊຸມສຳມະນາກ່ຽວກັບທະເລຕາເວັນອອກເມື່ອເດືອນ 1 ຜ່ານມາຢູ່ Harvard, ວົງການນັກຊ່ຽວຊານ ແລະ ນັກຮຽນຮູ້ຂອງຫຼາຍປະເທດລ້ວນແຕ່ມີລັກສະນະບໍ່ຍອມຮັບ “ເສັ້ນລີ້ນງົວ” ເຊິ່ງ ຈີນ ທ່ວງເອົາໃນທະເລຕາເວັນອອກ.