(ພາບປະກອບ: Vietnam+)
(vovworld) - ວັນທີ 11/12, ດຣ. Charles Bailey, ຜູ້ອຳນວຍການອົງການຫົວຄິດປະດິດສ້າງພິເສດ ກ່ຽວກັບທາດພິດສີສົ້ມ/ດີໂອຊິນ ຂອງກອງທຶນ Ford, ຈັດຕັ້ງການສາຍຮູບເງົາ “Chau, Beyond The Lines“ ກ່ຽວກັບຜົນຮ້າຍຢ້ອນຫຼັງຈາກ ທາດພິດສີສົ້ມ/ດີໂອຊິນ ໂດຍ ອາເມລິກາກໍ່ຂຶ້ນໃນປາງສົງຄາມຮຸກຮານ ຫວຽດນາມ, ຮູບເງົາເລື່ອງນີ້ ໄດ້ຮັບການແນະນຳຢ່າງກວ້າງຂວາງ, ເພື່ອແນໃສ່ ນຳມາໃຫ້ມະຫາຊົນ ອາເມລິກາ ມີວິໄສທັດຈະແຈ້ງກວ່າ ກ່ຽວກັບຄວາມລະທົມທຸກ, ເຊິ່ງຊາວຫວຽດນາມຫຼາຍຄົນຕ້ອງແບກແຫບ. ຮູບເງົາເຕື້ອງເຖິງ ເລມິງເຈົາ, ຊາຍຫວຽດນາມຜູ້ໜຶ່ງທີ່ເກີດເມື່ອປີ 1991, ຖືກຕິດທາດພິດສີສົ້ມແຕ່ຍັງຄົງພະຍາຍາມປະຕິບັດຄວາມໄຝ່ຝັນເປັນຈິດຕະກອນ. ສະພາມະຫາບັນດິດວິທະຍາສາດ ແລະ ສິລະປະຮູບເງົາ ອາເມລິກາ ໄດ້ເລືອກຮູບເງົານີ້ ເຂົ້າໃນຈຳນວນຮູບເງົາເອກະສານທີ່ດີເດັ່ນ 10 ຮູບເງົາຂອງລາງວັນ Oscar 2016.
ພາຍຫຼັງການສາຍຮູບເງົາ, ຜູ້ຊົມທຸກຄົນໄດ້ລົງລາຍເຊັນໃນຈົດໝາຍຂອງ ອົງການ “ຫົວຄິດປະດິດສ້າງພິເສດກ່ຽວກັບທາດພິດສີສົ້ມ/ດີໂອຊິນ“ຂອງກອງທຶນ Ford ຮຽກຮ້ອງໃຫ້ສະພາແຫ່ງຊາດ ອາເມລິກາ ແກ້ໄຂຜົນຮ້າຍຢ້ອນຫຼັງຈາກທາດພິດສີສົ້ມ/ດີໂອຊິນ ຢູ່ຫວຽດນາມ.