(vovworld) - ກອງທັບອາເມລິກາ ໄດ້ເລີ່ມປະຕິບັດລາຍການຝຶກອົບຮົມໃຫ້ມືປືນຝ່າຍຄ້ານຊີຣີ ນັບສີບຄົນ ເຊິ່ງ ວໍຊິງຕັນ ຖືວ່າ “ສະຫງ່ຽມຄ່ຽມຄົມ” ເພື່ອຕໍ່ສູ້ຕ້ານອົງການລັດອິດສະລາມ (IS) ອ້າງຊື່ເອງ. ນີ້ແມ່ນສ່ວນໜຶ່ງໃນລາຍການຝຶກອົບຮົມໃໝ່ຂອງອາເມລິກາ. ຕາມນັ້ນແລ້ວ, ແທນທີ່ຖອນກຳລັງບັນດາມືປືນຝ່າຍຄ້ານທັງໝົດອອກຈາກແນວໜ້າ ເພື່ອຝຶກອົບຮົມ ແລະ ຫຼັງຈາກນັ້ນກັບຄືນຕໍ່ສູ້ຄືກ່ອນນັ້ນ, ລາຍການໃໝ່ຈະຄັດເລືອກກຸ່ມນ້ອຍບັນດາມືປືນເພື່ອຝຶກອົບຮົມ ແນໃສ່ຮັບປະກັນລັກສະນະປະສິດທິຜົນ. ໃນຄັ້ງທຳອິດ, ອາເມລິກາ ຈະຝຶກອົບຮົມວິທີກຳນົດເປົ້າໝາຍເພື່ອໜູນຊ່ວຍບັນດາການບຸກໂຈມຕີທາງອາກາດຂອງທະຫານປະສົມຕ້ານ IS ໂດຍວໍຊິງຕັນ ນຳໜ້າ.