(vovworld)-ທ່ານປະທານາທິບໍດີອາເມລິກາ Barack Obama ແລະ ທ່ານປະທານປະເທດຈີນ ສີຈີ້ນຜິງ ຢູ່ California ໃນທ້າຍອາທິດນີ້ເພື່ອປຶກສາຫາລືບັນດາບັນຫາຄື: ຄວາມໝັ້ນຄົງ ແລະ ເສດຖະກິດເພື່ອເພີ່ມທະວີສາຍພົວພັນຮ່ວມມືລະຫວ່າງສອງປະເທດໃນຊຸມປີຈະມາເຖິງ. ກ່າວຄຳເຫັນທີ່ການປະຊຸມຂ່າວໃນຕອນເຊົ້າວັນທີ 5/6, ເຈົ້າຫນ້າທີ່ທຳນຽບຂາວທ່ານຫນຶ່ງໃຫ້ຮູ້ວ່າ:
“ການພົບປະຄັ້ງນີ້ເພື່ອຊ່ວຍໃຫ້ທ່ານປະທານາທິບໍດີ Obama ຊອກຮູ້ ແລະ ດຳເນີນການເຮັດວຽກກັບການນຳຄົນໃຫມ່ຂອງຈີນ, ສົ່ງສານກ່ຽວກັບບັນດາການບຸລິມະສິດ ແລະ ຄວາມວິຕົກກັງວົນຂອງອາເມລິກາ ແລະ ຮັບຟັງຄຳເຫັນຂອງທ່ານສີຈີ້ນຜິງ. ນີ້ກໍແມ່ນກາລະໂອກາດເພື່ອໃຫ້ອາເມລິກາກຳນົດ ແລະ ພັດທະນາບາງຂົງເຂດຮ່ວມມືສອງຝ່າຍກໍ່ຄືເປັນເອກະພາບຕໍ່ທັດສະນະກ່ຽວກັບບັນດາບັນຫາບຸລິມະສິດຂອງທັງສອງຝ່າຍຄື: ປອດນິວເຄຼຍ ແລະ ການເຕີບໂຕເສດຖະກິດ.”
ທ່ານປະທານາທິບໍດີອາເມລິກາ Barack Obama ແລະ ທ່ານປະທານປະເທດຈີນ ສີຈີ້ນຜິງ
ຫນຶ່ງໃນບັນດາຫົວຂໍ້ທີ່ໄດ້ຮັບຄວາມສົນໃຈທີ່ສຸດໃນການພົບປະລະຫວ່າງ ທ່ານປະທານາທິບໍດີອາເມລິກາ Barack Obama ແລະ ທ່ານປະທານປະເທດຈີນ ສີຈີ້ນຜິງແມ່ນກໍລະນີແຊກແຊງເຂົ້າລະບົບຖານຂໍ້ມູນເສດຖະກິດ ແລະ ປ້ອງກັນຊາດຂອງອາເມລິກາ ຊື່ງໄດ້ຮັບຖືວ່າ hacker ຈີນປະຕິບັດ. ເຈົ້າຫນ້າທີ່ຂັ້ນສູງລັດຖະບານອາເມລິກາໃຫ້ຮູ້ວ່າ:
“ການນຳທັງສອງທ່ານລ້ວນແຕ່ເຂົ້າໃຈກ່ຽວກັບຄວາມອັນຕະລາຍຂອງການປະທະກັນທີ່ອາດຈະເກີດຂຶ້ນລະຫວ່າງສອງປະເທດ. ພວກເຮົາຕ້ອງຍົກອອກວິທີ, ຮູບການພົວພັນຕິດຕໍ່ລະຫວ່າງບັນດາກົນໄກສອງຝ່າຍເພື່ອຮັບມືກັບກໍລະນີເກີດສະພາບຂາດສະຖຽນລະພາບ ແລະ ການແກ້ງແຍ້ງຊື່ງອາດຈະກາຍເປັນສອງປະເທດປໍລະປັກຂອງກັນ.”