ອຽນບ້າຍ ຮັບໃບຢັ້ງຢືນມໍລະດົກວັດທະນະທຳບໍ່ມີຮູບຮ່າງລະດັບຊາດ “ຟ້ອນແຊ- ເມື່ອງລໍ່"
ອຽນບ້າຍ ຮັບໃບຢັ້ງຢືນມໍລະດົກວັດທະນະທຳບໍ່ມີຮູບຮ່າງລະດັບຊາດ “ຟ້ອນແຊບູຮານຂອງຊາວເຜົ່າຜູ້ໄທ- ເມື່ອງລໍ່, ເງ້ຍໂລະ ” |
(vovworld)- ຕອນຄ່ຳວັນທີ 12/9, ແຂວງ ອຽນບ້າຍ ໄດ້ໄຂສັບປະດາວັດທະນະທຳ, ທ່ຽວທ່ຽວເມື່ອງລໍ່ ແລະ ພິທີຮັບໃບຢັ້ງຢືນມໍລະດົກວັດທະນະທຳບໍ່ມີຮູບຮ່າງລະດັບຊາດ “ຟ້ອນແຊບູຮານຂອງຊາວເຜົ່າຜູ້ໄທ- ເມື່ອງລໍ່, ເງ້ຍໂລະ ”. ຈຸດທີ່ພົ້ນເດັ່ນໃນງານບຸນ ແມ່ນມີນັກສິລະປີນ, ນັກສະແດງກວ່າ 1500 ຄົນ ໄດ້ສະແດງຂັບກອນ ແລະ 6 ວາດຟ້ອນແຊບູຮານ ຊຶ່ງແມ່ນຕົ້ນກຳເນີດຂອງ 366 ວາດຟ້ອນແຊເຂດທາງທິດຕາເວັນຕົກສ່ຽງເໜືອ. ທ່ານນາງ ຮ່ວາງທິຮົ່ງແຫ້ງ ຮອງປະທານຄະນະກຳມະການປະຊາຊົນ ເທດສະບານ ເງ້ຍໂລະ ໃຫ້ຮູ້ວ່າ :
“ 6 ວາດຟ້ອນແຊບູຮານຂອງເທດສະບານ ແມ່ນໄດ້ມີໂຄງການອະນຸລັກຮັກສາແລ້ວ. ໃນຊຸມປີທີ່ຜ່ານມາ, ພວກຂ້າພະເຈົ້າໄດ້ປຸກລະດົມການເຂົ້າຮ່ວມຂອງບັນດານັກຄົ້ນຄ້ວາວັດທະນະທຳເຜົ່າຜູ້ໄທເພື່ອຖ່າຍທອດກ່ຽວກັບບັນດາວາດຟ້ອນແຊບູຮານຄືນ. ໃນບັນດາງານບຸນ, ວັນສຳຄັນຕ່າງໆ, ວາດຟ້ອນແຊບູຮານແມ່ນຂາດບໍ່ໄດ້, ເພາະມັນສາມາດສ້າງຄວາມຜູກຮັດລະຫວ່າງທຸກຄົນໃນສັງຄົມ ແລະ ການເຊື່ອມຕົວຂອງຊາວທ້ອງຖິ່ນກັບແຂກທ່ອງທ່ຽວເມື່ອມາຢ້ຽມຢາມ”