(vovworld) - ຕອນເຊົ້າວັນທີ 28/10, ບັນດາຜູ້ມີສິດເລືອກຕັ້ງ ຢູແກຼນ ໄດ້ເລີ່ມຕົ້ນການໄປປ່ອນບັດເລືອກຕັ້ງ ສະມາຊິກສະພາແຫ່ງຊາດຊຸດທີ VII 450 ທ່ານ ຢູ່ ສະຖານທີ່ປ່ອນບັດ 32.000 ແຫ່ງໃນທົ່ວປະເທດ. ເຂົ້າຮ່ວມການຊ່ວງເສັງເຂົ້າອົງການນິຕິບັນຍັດ ຢູແກຼນ ຄັ້ງນີ້, ມີຜູ້ອອກສະໝັກຮັບເລືອກຕັ້ງກວ່າ 5200 ທ່ານ ຕາງຫນ້າໃຫ້ບັນດາເຂດ ແລະ 21 ພັກຝ່າຍການເມືອງ. ເພື່ອມີທີ່ຕັ້ງໃນສະພາແຫ່ງຊາດຊຸດໃຫມ່, ບັນດາພັກຝ່າຍການເມືອງຕ້ອງບັນລຸຈຳນວນບັດສະຫນັບສະຫນູນ
ບັດ ຕຳ່ສຸດແມ່ນ ກວ່າ 5% . ຄາດວ່າ ໝາກຜົນການເລືອກຕັ້ງເບື້ອງຕົ້ນຈະໄດ້ຮັບການປະກາດໃນຕອນຄຳ່ວັນທີ 28/10. ຕາມການກຳນົດຂອງກົດໝາຍແລ້ວ, ຄະນະກຳມະການເລືອກຕັ້ງສູນກາງ ຢູແກຼນ ຈະປະກາດໝາກຜົນການເລືອກຕັ້ງຢ່າງເປັນທາງການກ່ອນວັນທີ 12/11 ຈະມາເຖິງ.