ທ່ານVikto Yanukovic ປະທານາທິບໍດີ ອູແກຼນ
ພາບ: Internet |
(vovword) - ວັນທີ 04/7, ປະທານາທິບໍດີ ອູແກຼນ Vikto Yanukovic ໄດ້ຖະແຫລງວ່າ: ປະເທດນີ້ ອາດຈະຕ້ອງຈັດການເລືອກຕັ້ງສະພາແຫ່ງຊາດກ່ອນກຳນົດເວລາ ຖ້າຫາກວິກິດການຢູ່ອົງການນິຕິບັນຍັດເກິດຂຶ້ນ ຍ້ອນການຮັບຮອງເອົາຮ່າງກົດໝາຍກ່ຽວກັບພາສາລັດເຊຍ ທີ່ກໍ່ການຖົກຖຽງກັນແກ່ຍາວ. ທ່ານ Yanukovich ໄດ້ມີການພົບປະກັບການນຳຈຳນວນຫນຶ່ງທີ່ຂຶ້ນກັບບັນດາຝ່າຍໃນສະພາແຫ່ງຊາດເພື່ອປຶກສາຫາລືກ່ຽວກັບສິ່ງທີ່ທ່ານຖືວ່າ ແມ່ນວິກິດການຢູ່ອົງການນິຕິບັນຍັດ ພາຍຫລັງປະທານສະພາແຫ່ງຊາດ Volodymyr Lytvyn ຂໍລາອອກຈາກຕຳແຫນ່ງ. ໃນຖະແຫລງການ, ສຳນັກງານປະທານາທິບໍດີ ໃຫ້ຮູ້ວ່າ: ທ່ານ Yanukovich ຍັງຄິດໄລ່ເຖິງກໍລະນີທີ່ວ່າ ຖ້າຫາກບັນດາສະມາຊິກສະພາແຫ່ງຊາດບໍ່ສາມາດຮັບປະກັນວຽກງານຂອງສະພາແຫ່ງຊາດເປັນປົກກະຕິ ແມ່ນອາດຈະກ້າວໄປເຖິງການກະກຽມບັນດາລະບຽບການໃຫ້ແກ່ການເລືອກຕັ້ງສະພາແຫ່ງຊາດກ່ອນກຳນົດເວລາ. ຕາມແຜນການແລ້ວ, ອູແກຼນ ຈະດຳເນີນການເລືອກຕັ້ງສະພາແຫ່ງຊາດໃນເດືອນ 10/2012.