ອູແນສໂກຮັບຮອງການເຫຼື້ອມໃສ ໄຫວ້ບູຊາເຈົ້າຊີວິດຮຸ່ງ
ແຫ່ວໍໃນງານໄຫ້ວບູຊາເຈົ້າຊີວິດຮຸ່ງ
(ພາບ:sggp.org.vn)
(vovworld) - ວັນທີ 6/12, ທີ່ສຳນັກງານອົງການວັດທະນະທຳ, ວິທະຍາຍາດ, ການສຶກສາຂອງ ສປຊ (ອູແນສໂກ) ຢູ່ປາຣີ ປະເທດຝະລັ່ງ, ຄະນະກຳມະການລະຫວ່າງລັດຖະບານສົນທິສັນຍາ 2003 ກ່ຽວກັບການອະນຸລັກຮັກສາວັດທະນະທຳບໍ່ມີຮູບຮ່າງ ໄດ້ຮັບຮອງການເຫຼື້ອມໃສໄຫວ້ບູຊາເຈົ້າຊີວິດຮຸ່ງ ຢູ່ຟູທໍ້-ຫວຽດນາມ ແມ່ນມໍລະດົກວັດທະນະທຳບໍ່ມີຮູບຮ່າງຕາງໜ້າຂອງມວນມະນຸດ. ເປັນອັນວ່າ, ປະຈຸບັນ, ຢູ່ຫວຽດນາມ, ມີທັງໝົດ 14 ມໍລະດົດວັດທະນະທຳມີຮູບຮ່າງ ແລະ ບໍ່ມີຮູບຮ່າງໄດ້ຮັບການຮັບຮອງຈາກໂລກ.
ຂໍ້ຕົກລົງຮັບຮອງສຳເນົາເອກະສານການເຫຼື້ອມໃສໄຫວ້ບູຊາເຈົ້າຊີວິດຮຸ່ງ ຂອງອູແນສໂກ ຊີ້ແຈງວ່າ: “ການເຫຼື້ອມໃສໄຫວ້ບູຊາເຈົ້າຊີວິດຮຸ່ງ“ ໄດ້ສະແດງໃຫ້ເຫັນຄວາມເຄົາລົບນັບຖືຕໍ່ບັນພະບູລຸດ ແລະ ຈາກນັ້ນຍົກສູງຄວາມເອກອ້າງທະນົງໃຈແຫ່ງຊາດ ແລະ ຄວາມສະໜິດຕິດພັນໃນວົງຄະນາຍາດ. ເລື່ອງຮັບຮອງການເຫຼື້ອມໃສໄຫວ້ບູຊາເຈົ້າຊີວິດຮຸ່ງ ເປັນມໍລະດົກວັດທະນະທຳບໍ່ມີຮູບຮ່າງຕາງໜ້າຂອງມວນມະນຸດ ຈະປະກອບສ່ວນເຂົ້າໃນການຮັບຮອງຄວາມສຳຄັນຂອງພິທີໄຫ້ວບູຊາບັນພະບູລຸດຢູ່ຫຼາຍປະເທດອື່ນ, ພ້ອມທັງສ້າງເງື່ອນໄຂສະດວກໃນການຊຸກຍູ້ຄວາມເຄົາລົບວັດທະນະທຳຫຼາຍຮູບແບບ. ທ່ານຟ້າມກາວຟອງ, ເລຂາທິການໃຫ່ຍຄະນະກຳມະການອູແນສໂກແຫ່ງຊາດຫວຽດນາມ ໄດ້ສະແດງຄວາມເອກອ້າງທະນົງໃຈ ແລະ ຄວາມມ່ວນຊື່ນວ່າ:
“ເລື່ອງໂລກຮັບຮອງເອົາມໍລະດົກນີ້ ແມ່ນການຕີລາຄາສູງລັກສະນະວັດທະນະທຳມະນຸດ ຂອງປະເພນີໄຫ້ວບູຊາບັນພະບູລຸດຂອງບັນດາເຜົ່າຫວຽດນາມ. ການເຫຼື້ອມໃສນີ້ຍັງສະແດງໃຫ້ເຫັນຄວາມສາມັກຄີຂອງບັນດາວົງຄະນາຍາດອີກດ້ວຍ“
ກ່າວຄຳປາໄສຕໍ່ຄະນະກຳມະການລະຫວ່າງລັດຖະບານສົນທິສັນຍາ 2003 ພາຍຫຼັງທີ່ສຳເນົາເອກະສານການເຫຼື້ອມໃສໄຫວ້ບູຊາເຈົ້າຊີວິດຮຸ່ງ ໄດ້ຮັບການຮັບຮອງຈາກອູແນສໂກ, ທ່ານຮ່ວາງເຢີນໝາກ, ປະທານຄະນະກຳມະການປະຊາຊົນແຂວງຟູທໍ້ ເນັ້ນໜັກວ່າ: “ນີ້ແມ່ນຂໍ້ຕົກລົງທີ່ມີຄວາມໝາຍອັນໃຫ່ຍຫຼວງຕໍ່ຊາດຫວຽດນາມ ກ່ຽວກັບດ້ານປະຫວັດສາດ, ວັດທະນະທຳ ແລະ ຈິດວິນຍານ ຍ້ອນວ່າ ນັບແຕ່ພັນປີມານີ້, ການເຫຼື້ອມໃສໄຫວ້ບູຊາເຈົ້າຊີວິດຮຸ່ງ ແມ່ນຄວາມເຊື່ອຖືທີ່ສັກກະລະບູຊາ, ແມ່ນກຳລັງແຮງຕິດພັນວົງຄະນາຍາດເຂົ້ານຳກັນ, ເປັນທີ່ເພີ່ງທາງດ້ານຈິດໃຈເພື່ອໃຫ້ຊາດຫວຽດນາມ ສາມາດຜ່ານຜ່າຄວາມທຸກຍາກລຳບາກ, ສິ່ງທ້າຍທາຍນາໆປະການຂອງປະຫວັດສາດເພື່ອຄົງຕົວ ແລະ ຂະຫຍາຍຕົວ“.