ການເຫັນເປັນການທະຫານຢູ່ທະເລຕາເວັນອອກ ໄດ້ສົ່ງຜົນສະທ້ອນບໍ່ດີຕໍ່ພາກພື້ນ. ທ່ານ Winston Peters ໃຫ້ຮູ້ວ່າ, ນິວຊີແລນ ແລະ ປາດຖະໜາຢາກເຈລະຈາຢ່າງກົງໄປກົງມາ ເມື່ອຄັດຄ້ານການກະທຳຂອງຈີນ ຢູ່ທະເລຕາເວັນອອກ  ແລະ ຢືນຢັນວ່າ ນັ້ນແມ່ນການກະທຳບໍ່ເຄົາລົບບັນດາຂໍ້ກຳນົດຂອງກົດໝາຍສາກົນ ໃນຖະແຫຼງການກ່ຽວກັບຍຸດທະສາດປ້ອງກັນຊາດ ທີ່ຫາກໍ່ປະກາດໃຊ້.

        “ຂ້າພະເຈົ້າບໍ່ເຊື່ອໝັ້ນວ່າ ເລື່ອງຫັນເປັນການທະຫານຢູ່ທະເລຕາເວັນອອກ ເປັນວຽກງານທີ່ດີສຳລັບພາກພື້ນ ແລະ ມັນສົ່ງຜົນສະທ້ອນຫຼາຍຢ່າງເຖິງນິວຊີແລນ. ຂ້າພະເຈົ້າເຊື່ອໝັ້ນວ່າ, ບັນດາປະເທດຄວນເຄົາລົບທຸກຂໍ້ກຳນົດ ແລະ ກົດໝາຍສາກົນ ເພື່ອຮັບປະກັນວ່າ ໂລກນີ້ມີຄວາມປອດໄພ ແລະ ມີຄວາມໝັ້ນຄົງກວ່າ. ຂ້າພະເຈົ້າບໍ່ຢາກເຫັນສິດເສລີໃນການໄປມາຢູ່ເຂດທະເລສາກົນຖືກກີດຂວາງ. ສິ່ງດັ່ງກ່າວໄດ້ກໍ່ໃຫ້ເກີດຜົນສະທ້ອນຫຼາຍຢ່າງ ແລະ ນີ້ແມ່ນຜົນສະທ້ອນຢ່າງຮ້າຍແຮງທີ່ສຸດເມື່ອຈີນ ຫັນເປັນການທະຫານຢູ່ທະເລຕາເວັນອອກ”.

        ທ່ານ Winston Peters ໃຫ້ຮູ້ວ່າ, ນິວຊີແລນ ຈະເພີ່ມທະວີການຮ່ວມມືກັບບັນດາປະເທດໃນພາກພື້ນ ເພື່ອແນໃສ່ຮັກສາຄວາມໝັ້ນຄົງ, ຄວາມປອດໄພຢູ່ປາຊີຟິກ, ໃນນັ້ນ ອົດສະຕາລີອາ ແມ່ນໜຶ່ງໃນບັນດາຄູ່ຮ່ວມມືສຳຄັນທີ່ສຸດ.