(vovworld) – ທີ່ພິທີສະເຫຼີມສະຫຼອງ 10 ປີແຫ່ງວັນສ້າງຕັ້ງກົມປ້ອງກັນຄວາມສະຫງົບເຂດຕາເວັນຕົກພາກໃຕ້ຂອງຫວຽດນາມ, ເຊິ່ງຈັດຂຶ້ນໃນຕອນເຊົ້າວັນທີ 09/08, ຢູ່ນະຄອນ ເກີນເທີ. ໃນໄລຍະ 10 ປີຜ່ານມາ, ພະນັກງານ, ນັກຮົບກົມປ້ອງກັນຄວາມສະຫງົບເຂດຕາເວັນຕົກພາກໃຕ້ຂອງຫວຽດນາມ ໄດ້ຜ່ານຜ່າຄວາມຫຍຸ້ງຍາກ, ອົງອາດກ້າຫານ, ຕໍ່ສູ້ຕ້ານກົນອຸບາຍ, ການເຄື່ອນໄຫວຕ້ານລັດຂອງບັນດາອິດທິກຳລັງທີ່ເປັນປໍລະປັກຢູ່ພາຍໃນ ແລະ ຕ່າງປະເທດຢ່າງມີປະສິດທິຜົນ; ປະຕິບັດບັນດານະໂຍບາຍຊົນເຜົ່າ, ສາສະໜາ, ລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ… ຜ່ານນັ້ນ ປົກປັກຮັກສາຄວາມສະຫງົບແຫ່ງຊາດ, ຄວາມເປັນລະບຽບຮຽບຮ້ອຍສັງຄົມ, ຮັບໃຊ້ໜ້າທີ່ພັດທະນາເສດຖະກິດ, ວັດທະນະທຳ, ສັງຄົມ ແລະ ການພົວພັນຕ່າງປະເທດຂອງເຂດຕາເວັນຕົກພາກໃຕ້ຂອງຫວຽດນາມຢ່າງຕັ້ງໜ້າ. ກ່າວຄຳເຫັນຢູ່ທີ່ນີ້, ທ່ານລັດຖະມົນຕີກະຊວງຕຳຫຼວດ ເຈີ່ນດ້າຍກວາງ ໄດ້ຮຽກຮ້ອງວ່າ.
“ປະຕິບັດບັນດາບັນຫາຊົນເຜົ່າ, ສາສະໜາເປັນຢ່າງດີ. ຈັດຕັ້ງການໂຄສະນາ, ຂົນຂວາຍໝູ່ມະຫາຊົນ, ຍາດແຍ່ງການສະໜັບສະໜູນ, ຄວາມເຫັນດີເຫັນພ້ອມຂອງປະຊາຊົນບັນດາເຜົ່າ, ໂດຍສະເພາະແມ່ນປະຊາຊົນເຜົ່າຂະແມ ໃນການຄົ້ນພົບ, ຕໍ່ສູ້ກັບບັດດາກົນອຸບາຍ, ການເຄື່ອນໄຫວຕ້ານທຳລາຍຂອງບັນດາກຳລັງທີ່ເປັນປໍລະປັກ. ຕັ້ງໜ້າເຂົ້າຮ່ວມການປັບປຸງລະບົບການເມືອງໃຫ້ໝັ້ນຄົງ, ປະຕິບັດບັນດາໜ້າທີ່ພັດທະນາເສດຖະກິດ, ວັດທະນະທຳ, ສັງຄົມ ແລະ ຮັກສາຄວາມເປັນລະບຽບຮຽບຮ້ອຍທາງສັງຄົມຢ່າງມີປະສິດທິຜົນ. ເພີ່ມທະວີການສົມທົບກັນປົກປັກຮັກສາຄວາມສະຫງົບ, ຄວາມເປັນລະບຽບຮຽບຮ້ອງຢູ່ເຂດຊາຍແດນ ແລະ ບັນດາດ່ານຊາຍແດນ. ຮັບໃຊ້ວຽກງານປັກຫຼັກໝາຍຊາຍແດນຫວຽດນາມ - ກຳປູເຈຍ. ເປີດກວ້າງການຮ່ວມມືສາກົນ, ເປັນເຈົ້າການສົມທົບກັບບັນດາອົງການທີ່ມີໜ້າທີ່ກຳປູເຈຍ ໃນການຕໍ່ສູ້, ປ້ອງກັນຕ້ານອາດຊະຍາກຳ, ປົກປັກຮັກສາຄວາມເປັນລະບຽບຮຽບຮ້ອຍ; ຕໍ່ສູ້ ແລະ ທັບມ້າງບັນດາການເຄື່ອນໄຫວຂອງພວກເປັນປໍລະປັກ ທີ່ສວຍໃຊ້ບໍ່ລິເວັນຕ່າງປະເທດເພື່ອຕ້ານລັດຫວຽດນາມ.”