ທ່ານນາຍົກລັດຖະມົນຕີ ຫງວຽນເຕີ໋ຢຸງ (ພາບ: NhatBac)
(vovworld) – ຕອນບ່າຍວັນທີ 25/8, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນເຕີ໋ຢຸງ ເປັນປະທານກອງປະຊຸມຄະນະປະຈຳລັດຖະບານ ແລະ ບາງກະຊວງ, ຂະແໜງການທີ່ມີພາລະໜ້າທີ່ ເພື່ອຕີລາຄາກ່ຽວກັບການຜັນແປຂອງເສດຖະກິດໂລກໃນເວລາມໍ່ໆມານີ້ ຊຶ່ງໄດ້ມີຜົນກະທົບຕໍ່ພື້ນຖານເສດຖະກິດ ຫວຽດນາມ. ພ້ອມທັງ ເປັນເຈົ້າການຍົກອອກບັນດາມາດຕະການນະໂຍບາຍ ເພື່ອແນໃສ່ຈຳກັດບັນດາຜົນກະທົບທີ່ຫຍໍ້ທໍ້ໃນລະດັບຕຳ່ສຸດ, ຂຸດຄົ້ນບັນດາດ້ານດີມີຄວາມສະດວກ, ຮັກສາສະຖຽນລະພາບທາງດ້ານເສດຖະກິດມະຫາພາກ, ສູ້ຊົນບັນລຸ ແລະ ລື່ນກາຍບັນດາຈຸດໝາຍ, ຄາດໝາຍການພັດທະນາເສດຖະກິດ - ສັງຄົມທີ່ໄດ້ວາງອອກ. ກ່າວຄຳເຫັນສະຫລຸບ, ທ່ານນາຍົກລັດຖະມົນຕີ ຫງວຽນເຕີ໋ນຢຸງ ຖືວ່າ: ເສດຖະກິດ ໃນພາກພື້ນ ແລະ ໂລກ ພວມມີບັນດາການຜັນແປທີ່ຍາກຈະຄາດຄະເນໄວ້ລວງໜ້າ ແລະ ມີຜົນກະທົບຕໍ່ ຫວຽດນາມ. ຖ້າຫາກບໍ່ກຳແໜ້ນ, ຮັບມືບໍ່ດີ, ບໍ່ທັນການ ແລະ ບໍ່ເປັນເຈົ້າການ ຈະພາໃຫ້ ຫວຽດນາມ ບໍ່ພຽງແຕ່ ບໍ່ສາມາດຮັບມື, ແກ້ໄຂບັນດາຄວາມຫຍຸ້ງຍາກ, ສິ່ງທ້າທາຍໄດ້ເທົ່ນນັ້ນ ຫາກຍັງບໍ່ສາມາດນຳໃຊ້ໄດ້ກາລະໂອກາດໃໝ່ຕ່າງ. ທ່ານນາຍົກບລັດທະມົນຕີ ຫງວຽນເຕີ໋ນຢຸງ ຊີ້ນຳບັນດາກະຊວງ, ຂະແໜງການທີ່ມີພາລະໜ້າທີ່ ສືບຕໍ່ຕິດຕາມການຜັນແປສະພາບການ, ໄຈ້ແຍກ, ຍົກອອກບັນດາມາດຕະການ, ນະໂຍບາຍຢ່າງທັນການ, ເໝາະສົມ, ນັບທັງໃນບັນດາກໍລະນີບໍ່ຊົ່ວຮ້າຍທີ່ສຸດ.