(vovworld)- ມະຕິກອງປະຊຸມສະໄໝສາມັນປະຈຳເດືອນ 10 ຂອງລັດຖະບານຫວຽດນາມ ໄດ້ຮັບການເຊັນປະກາດໃຊ້ຈາກນາຍົກລັດຖະມົນຕີເມື່ອວັນທີ 4/11 ຊຶ່ງໃນນັ້ນ, ເນັ້ນໜັກເຖິງການຮັບປະກັນຄວາມໝັ້ນທຽງດ້ານອັດຕາແລກປ່ຽນເງິນຕາ ແລະ ການຊຳລະຂອງລະບົບທະນາຄານ. ລັດຖະບານໄດ້ສະເໜີບັນດາກະຊວງ, ອົງການ, ທ້ອງຖິ່ນຕ່າງໆເລັ່ງໃສ່ປົວແປງສະພາບແວດລ້ອມແຫ່ງການລົງທຶນ ດຳເນີນທຸລະກິດ ແລະ ຍົກສູງຄວາມສາມາດແກ່ງແຍ້ງ, ຄວບຄຸມຄຸນນະພາບຂອງສິນເຊືອ, ຕິດຕາມຢ່າງໃກ້ຊິດການຜັນແປຂອງໜີ້ເສຍ, ຮັບປະກັນຄວາມໝັ້ນທຽງດ້ານອັດຕາແລກປ່ຽນເງິນຕາ ແລະ ການຊຳລະຂອງລະບົບທະນາຄານ, ພິເສດແມ່ນຍາມທ້າຍປີ, ຄວບຄຸມເງິນເຟີ້ໂດຍພື້ນຖານ. ສະເພາະກະຊວງແຜນ ແລະ ການລົງທຶນຕ້ອງຮັບຜິດຊອບການສ້າງ ແລະ ນຳສະເໜີກົນໄກ, ນະໂຍບາຍບຸລິມະສິດ, ສົ່ງເສີມຍູ້ແຮງການດຶງດູດເງິນລົງທຶນຂອງຕ່າງປະເທດຈາກບັນດາກຸ່ມບໍລິສັດນາໆຊາດ, ບັນດາວິສາຫະກິດຂະໜາດນ້ອຍ ແລະ ກາງທີ່ມີກຳລັງບົ່ມຊ້ອນ.