ທ່ານນາງ ຫງວຽນທິຢວານ ຮອງປະທານປະເທດ ກ່າວຄຳເຫັນ
ທີ່ພິທີສະເຫຼີມສະຫຼອງ ວັນວຽກງານສັງຄົມໂລກ
(ພາບ: HaNam)
(vovworld) - ຮັບປະກັນຊີວິດສັງຄົມແມ່ນບັນຫາຈຸດສຸມໃນແຜນຍຸດທະສາດພັດທະນາປະເທດຊາດ. ທ່ານນາງ ຫງວຽນທິຢວານ ຮອງປະທານປະເທດ ໄດ້ຢືນຢັນ ທີ່ພິທີສະເຫຼີມສະຫຼອງ ວັນວຽກງານສັງຄົມໂລກ (12/11) ຄັ້ງທີ 18 ດ້ວຍຫົວຂໍ້ “ ວຽກງານສັງຄົມຫວຽດນາມ-ສິ່ງທ້າທາຍທີ່ມີລັກສະນະອາຊີບຕໍ່ໜ້າຄວາມຕ້ອງການເຊື່ອມໂຍງ ແລະ ພັດທະນາ ”, ໄດ້ດຳເນີນໃນຕອນເຊົ້າວັນທີ 11/11 ຢູ່ຮ່າໂນ້ຍ. ກ່າວຄຳເຫັນທີ່ພິທີ, ທ່ານ ນາງ ຫງວຽນທິຢວານ ຮອງປະທານປະເທດ ຢືນຢັນວ່າ: ສຳລັບຫວຽດນາມ, ວຽກງານສັງຄົມມີຄວາມໝາຍຢ່າງໃຫຍ່ຫຼວງ, ນຳຫວຽດນາມຈາກປະເທດທີ່ທຸກຍາກບືນຕົວຂຶ້ນກາຍເປັນປະເທດແບບຢ່າງຂອງໂລກ ກ່ຽວກັບການປະຕິບັດເປົ້າໝາຍສະຫັດສະວັດ ແລະ ບັນລຸໄດ້ຫຼາຍຜົນງານທີ່ພົ້ນເດັ່ນ ທາງດ້ານເສດຖະກິດ, ສັງຄົມໃນໄລຍະປ່ຽນໃໝ່ປະເທດຊາດໃນປະຈຸບັນ. ທ່ານນາງຮອງປະທານປະເທດ ຫງວຽນທິຢວານ ສະເໜີວ່າ: ໃນໄລຍະຈະມາເຖິງ, ກະຊວງແຮງງານ ທະຫານເສຍອົງຄະ ແລະ ສັງຄົມ ຄວນປຸກລະດົມແຫຼ່ງກຳລັງຂອງທົ່ວປວງຊົນປະກອບສ່ວນໃຫ້ແກ່ວຽກງານສັງຄົມ.
ເຂົ້າຮ່ວມພິທີສະເຫຼີມສະຫຼອງ, ທ່ານ Jesper Moller, ຮອງຫົວໜ້າຜູ້ຕາງໜ້າກອງທຶນສະຫະປະຊາຊາດເພື່ອເດັກນ້ອຍ ປະຈຳຫວຽດນາມ, ໃຫ້ຂໍ້ສັງເກດວ່າ: ຫວຽດນາມມີບາດກ້າວໃຫຍ່ໃນການພັດທະນາອາຊີບ ເຮດວຽກງານສັງຄົມ. Unicef ຍາມໃດກໍ່ຈະຮ່ວມມືຢ່າງແໜ້ນແຟ້ນ, ຄຽງບ່າຄຽງໄຫຼ່ພ້ອມກັບບັນດາກະຊວງ, ຂະແໜງການ, ຈັດຕັ້ງຢູ່ຫວຽດນາມ ເພື່ອພັດທະນາ ອາຊີບ ເຮັດວຽກງານສັງຄົມ.