ຮັບປະກັນສິດຜົນປະໂຫຍດ ຂອງຄົນງານຫວຽດນາມ ຢູ່ມາເລເຊຍ
ຄົນງານຫວຽດນາມ ຢູ່ ມາເລເຊຍ
(ພາບ:baotintuc.vn)
|
( vovworld ) – ເມື່ອເຕື້ອງເຖິງເລື່ອງກຳມະກອນຫວຽດນາມ ຢູ່ບໍລິສັດ Asmana ຖືກເຊົາວຽກນັ້ນ, ວັນທີ 19/3, ທ່ານ ຫງວນຕຽນຊານ, ທີ່ປຶກສາສະຖານທູດຫວຽດນາມ ປະຈຳ ມາເລເຊຍ, ຫົວໜ້າຄະນະຄຸ້ມຄອງຄົນງານ ແລະ ຜູ້ຊ່ຽວຊານຕ່າງປະເທດ, ສັງກັດສະຖານທູດຫວຽດນາມ ປະຈຳ ມາເລເຊຍ ຢືນຢັນວ່າ: ຄະນະຄຸ້ມຄອງຄົນງານ ແລະ ຜູ້ຊ່ຽວຊານຕ່າງປະເທດ ພວມສືບຕໍ່ພົວພັນກັບບັນດາອົງການທີ່ມີສ່ວນກ່ຽວຂ້ອງມາເລເຊຍ ເພື່ອຮັບປະກັນສິດຜົນປະໂຫຍດອັນຊອບທຳມໃຫ້ຄົນງານຫວຽດນາມ ແລະ ຊ່ວຍຈັດສົ່ງຄົນງານມີຄວາມມຸ້ງມາດປາດຖະໜາກັບເມືອປະເທດໂດຍໄວ. ທ່ານຫງວນຕຽນຊານ ໃຫ້ຮູ້ວ່າ: ໃນເດືອນ 6/2010, ບໍລິສັດການຄ້າຫຸ້ນສ່ວນຫວຽດຮ່າ-ຮ່າຕຶ໋ງ ຫລື VIHATOCO ໄດ້ສົ່ງຄົນງານຫວຽດນາມ 69 ຄົນໄປມາເລເຊຍ ຕາມສັນຍາແຮງງານເຊັນກັບບໍລິສັດ Asmana ຂອງມາເລເຊຍ ແຕ່ຮອດເດືອນ 2/2012, ຈຳນວນຄົນງານເຫຼົ່ານີ້ຖຶກໃຫ້ເຊົາວຽກ ຍ້ອນການລະເມີດຂອງບໍລິສັດ Asmana. ວັນທີ 19/3, ທີ່ການເຮັດວຽກກັບຄະນະຄຸ້ມຄອງຄົນງານ ແລະ ຜູ້ຊ່ຽວຊານຕ່າງປະເທດ, ສັງກັດສະຖານທູດຫວຽດນາມ, ກົມແຮງງານມາເລເຊຍ ໄດ້ໃຫ້ຄຳໝັ້ນສັນຍາວ່າ ຈະຈັດການປະຊຸມກັບກົມຄຸ້ມຄອງຄົນເຂົ້າເມືອງໂດຍໄວ ເພື່ອດຳເນີນບັນດາລະບຽບການໃຫ້ຄົນງານທີ່ມີຄວາມມຸ້ງຫວັງຢາກສືບຕໍ່ເຮັດວຽກຢູ່ມາເລເຊຍ ແລະ ເຮັດລະບຽບການໃຫ້ບັນດາຄົນງານຢາກກັບເມືອປະເທດ. ກົມແຮງງານມາເລເຊຍ ກໍຊີ້ນຳພະແນກແຮງງານ Pinang ຈົ່ງສົມທົບກັບບັນດາອົງການທີ່ກ່ຽວຂ້ອງໂດຍໄວ ເພື່ອໜູນຊ່ວຍປົກປ້ອງສິດຜົນປະໂຫຍດຂອງຄົນງານຫວຽດນາມ.