ຮັບປະກັນສິດແລະຜົນປະໂຫຍດຖືກກັບກົດໝາຍຂອງວົງຄະນາຍາດຊາວຫວຽດນາມອາໄສຢູ່ຕ່າງປະເທດ

ວັນພະຫັດ ທີ 17 ເມສາ ຄ.ສ. 2014 | 17:23:56

ທ່ານ ເລຫາຍບີງ, ໂຄສົກກະຊວງການຕ່າງປະເທດຫວຽດນາມ

(vovworld)- ວັນທີ 17/4, ທີ່ການປະຊຸມຂ່າວປະຈຳເດືອນຂອງກະຊວງການຕ່າງປະເທດຫວຽດນາມ, ເມື່ອຕອບຄຳຖາມກ່ຽວກັບປະຕິກິລິຍາຂອງຫວຽດນາມ ຕໍ່ເລື່ອງ ວັນທີ 16/4, ເຮືອບັກຂົນສົ່ງຜູ້ໂດຍສານຂອງ ສເກົາຫລີ ຖືກຈົມນ້ຳ ຢູ່ນອກຝັ່ງທະເລພາກໃຕ້ປະເທດນີ້, ເຮັດໃຫ້ເກືອບ 300 ຄົນຖືກເສຍຊີວິດ ແລະ ຫາຍສາບສູນ, ທ່ານ ເລຫາຍບີງ, ໂຄສົກກະຊວງການຕ່າງປະເທດຫວຽດນາມ ຊີ້ແຈງວ່າ:

“ພວກຂ້າພະເຈົ້າມີຄວາມເອົາໃຈໃສ່ທ່ີສຸດ ແລະ ເປັນຫ່ວງກັງວົນເມື່ອໄດ້ຮັບຂ່າວກ່ຽວກັບອຸປະຕິເຫດເຮືອບັກຂອງ ສເກົາຫລີ ຖືກຈົມນ້ຳ. ຫວຽດນາມ ສົ່ງຄຳສະແດງຄວາມເສົ້າສະຫລົດໃຈມາຍັງບັນດາຄອບຄົວຜູ້ຖືກເຄາະຮ້າຍ ແລະຫວັງວ່າ ບັນດາຄວາມມານະພະຍາຍາມກູ້ໄພກູ້ຊີບຂອງລັດຖະບານ ສເກົາຫລີ ຈະຊ່ວຍຊອກຫາໄດ້ບັນດາຜູ້ປະສົບເຄາະຮ້າຍທີ່ຍັງຖືກຫາຍສາບສູນ.”

ເມື່ອຕອບຄຳຖາມກ່ຽວຂ້ອງເຖິງແຜນນະໂຍບາຍຮັກສາສັນຊາດໃຫ້ແກ່ຊາວຫວຽດນາມອາໄສຢູ່ຕ່າງປະເທດປະມານ 4,5 ລ້ານຄົນ, ໃນຈຸດເວລາພຽງກວ່າ 2 ເດືອນແມ່ນໝົດເວລາກຳນົດເພື່ອໃຫ້ຊາວຫວຽດນາມ ອາໄສຢູ່ຕ່າງປະເທດມີຄວາມຕ້ອງການຈົດທະບຽນຮັກສາສັນຊາດຫວຽດນາມ(1/7/2014), ທ່ານເລຫາຍບີງຢືນຢັນວ່າ:

“ລັດຖະທຳມະນູນຫວຽດນາມ ກຳນົດ ຊາວຫວຽດນາມອາໄສຢູ່ຕ່າງປະເທດແມ່ນພາກສ່ວນຫນຶ່ງບໍ່ຕັດແຍກອອກຈາກວົງຄະນາຍາດຊາດຫວຽດນາມໄດ້. ປະຈຸບັນດ ບັນດາອົງການກ່ຽວຂ້ອງພວມຕັ້ງຫນ້າສຳຫລວດກວດກາບັນດາບັນຫາກ່ຽວຂ້ອງເຖິງລະບຽບການຮັກສາສັນຊາດຕາມກົດໝາຍວ່າດ້ວຍສັນຊາດປີ 2008, ວາງອອກບັນດາມາດຕະການເໝາະສົມກັບສະພາບຕົວຕິງທີ່ສຸດ, ຮັບປະກັນສິດ ແລະ ຜົນປະໂຫຍດຖືກກັບກົດໝາຍຂອງວົງຄະນາຍາດຊາວຫວຽດນາມ ອາໄສຢູ່ຕ່າງປະເທດ.”