ຮັບປະກັນສິດແລະສ້າງເງື່ອນໄຂໃຫ້ຄົນພິການບືນຕົວຂຶ້ນ,ປະກອບສ່ວນໃຫ້ສັງຄົມ
(ທ່ານຮອງນາຍົກລັດຖະມົນຕີ ຫວູດຶກດາມກ່າວຄວາມເຫັນທີ່ກອງປະຊຸມ)
(vovworld) - ກ່າວຄວາມເຫັນທີ່ກອງປະຊຸມໃຫຍ່ຜູ້ແທນທົ່ວປະເທດ ສະມາຄົມອຸປະກະລະຄົນພິການ ແລະ ເດັກກຳພ້າ ຫວຽດນາມ ຄັ້ງທີ V (ອາຍຸການ 2017-2022) ທີ່ດຳເນີນຢູ່ ຮ່າໂນ້ຍ ໃນຕອນເຊົ້າວັນທີ 14/4 ນັ້ນ. ທ່ານຮອງນາຍົກລັດຖະມົນຕີ ຫວູດຶກດາມ ໄດ້ຕີລາຄາສູງຄະນະການນຳ, ສະມາຊິກສະມາຄົມອຸປະກະລະຄົນພິການ ແລະ ເດັກກຳພ້າ ຫວຽດນາມ ໃນຕະຫຼອດ 25 ປີຜ່ານມາ ໄດ້ພ້ອມກັບພັກ, ລັດ, ທົ່ວສັງຄົມ ປະຕິບັດການອຸປະກະລະ, ເບິ່ງແຍງດູແລ, ຮັບປະກັນສິດຂອງຄົນພິການ, ເດັກນ້ອຍທີ່ປະສົບກັບຄວາມຫຍຸ້ງຍາກ. ຜ່ານນັ້ນຊ່ວຍສັງຄົມມີການຫັນປ່ຽນຄວາມຮັບຮູ້ທີ່ມີຕໍ່ຄົນພິການ, ປະກອບສ່ວນເຂົ້າໃນການຮັບປະກັນຄວາມຍຸຕິທຳ, ຮັບປະກັນຊີວິດສັງຄົມ, ເພື່ອຄວາມກ້າວໜ້າລວມຂອງທຸກເພດ:
“ຂ້າພະເຈົ້າສະເໜີກະຊວງແຮງງານ - ທະຫານເສຍອົງຄະ ແລະ ສັງຄົມ ພ້ອມກັບອຳນາດການປົກຄອງທຸກຂັ້ນ ສ້າງເງື່ອນໄຂດີກວ່າໃຫ້ແກ່ການເຄື່ອນໄຫວຂອງສະມາຄົມ. ສ້າງເງື່ອນໄຂໃຫ້ສະມາຄົມເຂົ້າຮ່ວມການສ້າງນະໂຍບາຍ, ຕິດຕາມກວດກາການປະຕິບັດກົດໝາຍ ແລະ ບັນດານະໂຍບາຍຂອງລັດກ່ຽວກັບຄົນພິການ ແລະ ເດັກນ້ອຍປະສົບກັບຄວາມຫຍຸ້ງຍາກ. ຂ້າພະເຈົ້າສະເໜີ ແລະ ຮຽກຮ້ອງປະຊາຄົມວິສາຫະກິດ ແລະ ຊາວ ຫວຽດນາມ ທຸກຄົນ ເສີມຂະຫຍາຍມູນເຊື້ອຮັກແພງຊ່ວຍເຫຼືອເຊິ່ງກັນ ແລະ ກັນ, ຕັ້ງໜ້າເຂົ້າຮ່ວມການໜູນຊ່ວຍ ແລະ ປົກປ້ອງຄົນພິການ ແລະ ເດັກນ້ອຍປະສົບກັບຄວາມຫຍຸ້ງຍາກ “.
ກອງປະຊຸມໃຫຍ່ຄັ້ງນີ້ໄດ້ເລືອກຕັ້ງຄະນະບໍລິຫານງານປະກອບມີ 73 ຄົນ. ທີ່ກອງປະຊຸມຄະນະບໍລິຫານງານຊຸດທີ V ຄັ້ງທຳອິດ, ທ່ານ ເລືອງຟານກື່, ຮອງປະທານສູນກາງສະມາຄົມຊຸດທີ IV ໄດ້ຮັບເລືອກຕັ້ງເປັນປະທານສະມາຄົມ.