ຮັບປະກັບຄວາມປອດໄພໃນການສື່ສານຕອບສະໜອງຄວາມຮຽກຮ້ອງຕ້ອງການພັດທະນາເສດຖະກິດ,ສັງຄົມ
(ພາບປະກອບ)
(vovworld) - ຮັບປະກັບຄວາມປອດໄພໃນການສື່ສານ ເພື່ອຕອບສະໜອງຄວາມຮຽກຮ້ອງຕ້ອງການພັດທະນາເສດຖະກິດ, ສັງຄົມ. ນັ້ນແມ່ນຈຸດປະສົງຂອງຮ່າງກົດໝາຍວ່າດ້ວຍຄວາມປອດໄພໃນການສື່ສານ, ເຊິ່ງການນຳກະຊວງຖະແຫຼ່ງຂ່າວ ແລະ ສື່ສານ ໄດ້ຢືນຢັນວ່າ, ເມື່ອຍື່ນໃບສະເໜີຮ່າງກົດໝາຍວ່າດ້ວຍຄວາມປອດໄພໃນການສື່ສານ ຕໍ່ສະພາແຫ່ງຊາດ ໃນຕອນເຊົ້າວັນທີ 04/06. ໃບສະເໜີຢັ້ນຢືນວ່າ ເມື່ອກົດໝາຍໄດ້ຮັບການປະກາດໃຊ້ ໄດ້ປະກອບສ່ວນປົກປ້ອງສິດ ແລະ ຜົນປະໂຫຍດອັນຊອບທຳຂອງອົງການຈັດຕັ້ງ, ສ່ວນບຸກຄົນ ເຂົ້າຮ່ວມການເຄື່ອນໄຫວສ່ືສານ; ຍູ້ແຮງວຽກງານຕິດຕາມກວດກາ, ປ້ອງກັນ, ຕ້ານສະພາບຂາດຄວາມປອດໄພໃນການສື່ສານ, ຮັບປະກັນປະສິດທິຜົນວຽກງານປະຕິບັດການຄຸ້ມຄອງລັດໃນຂົງເຂດດັ່ງກ່າວ.
ແລະກໍ່ໃນຕອນເຊົ້າວັນດຽວກັນ, ບັນດາສະມາຊິກສະພາແຫ່ງຊາດໄດ້ປຶກສາຫາລືຢູ່ຫໍປະຊຸມກ່ຽວກັບແຜນນະໂຍບານລົງທຶນກໍ່ສ້າງໂຄງການກໍ່ສ້າງສະໜາມບິນສາກົນລອງແທ່ງ. ໂຄງການກໍ່ສ້າງສະໜາມບິນສາກົນລອງແທ່ງ ມີຈຳນວນເງິນລົງທຶນ 15,8 ຕື້ USD. ບັນດາສະມາຊິກສະພາແຫ່ງຊາດ ສະເໜີຫົວໜ່ວຍຕ່າງໆທີ່ກ່ຽວຂ້ອງມີທິດທາງ, ແຜນການຜັນຂະຫຍາຍການປະຕິບັດໂດຍໄວ, ນຳໃຊ້ແຫຼ່ງທຶນຢ່າງມີປະສິດທິຜົນ, ບໍ່ປະໃຫ້ເກີດການສູນເສຍ ແລະ ຟຸມເຟືອຍ.
ແລະກໍ່ໃນວັນທີ 04/06, ບັນດາສະມາຊິກສະພາແຫ່ງຊາດ ໄດ້ປຶກສາຫາລືຢູ່ໜ່ວຍກ່ຽວກັບ: ຮ່າງກົດໝາຍວ່າດ້ວຍສະຖິຕິ (ສະບັບປັບປຸງ) ແລະ ຮ່າງກົດໝາຍວ່າດ້ວຍດຳເນີນຄະດີບໍລິຫານ (ສະບັບປັບປຸງ).