ຮັບຮູ້ຫຼາຍບັນຫາທີ່ຜູ້ມີສິດເລືອກຕັ້ງສົນໃຈ
(ພາບປະກອບ: baohaiquan.vn)
(vovworld) – ເພື່ອກະກຽມໃຫ້ກອງປະຊຸມສະໄໝສາມັນເທື່ອທີ 9, ສະພາແຫ່ງຊາດຫວຽດນາມຊຸດທີ 13, ຄະນະສະມາຊິກສະພາແຫ່ງຊາດບັນດາແຂວງ, ນະຄອນໄດ້ຈັດຕັ້ງການພົບປະກັບຜູ້ມີສິດເລືອກຕັ້ງ, ຮັບເອົາບັນດາຄວາມເຫັນ, ການປະກອນສ່ວນທີ່ມີຄວາມຮັບຜິດຊອບ ແລະ ບັນດາຂໍ້ສະເໜີແນະກ່ຽວກັບເສດຖະກິດ-ສັງຄົມ ເຊິ່ງຜູ້ມີສິດເລືອກຕັ້ງມີຄວາມສົນໃຈ. ຄະນະສະມາຊິກສະພາແຫ່ງຊາດແຂວງ ຕວຽນກວາງ ໄດ້ພົບປະກັບຜູ້ມີສິດເລືອກຕັ້ງຢູ່ 9 ສະຖານທີ່ ແລະ ປະກາດກ່ຽວກັບຮ່າງເນື້ອໃນກອງປະຊຸມສະໄໝສາມັນຄັ້ງຈະມາເຖິງ. ທີ່ການພົບປະ, ຜູ້ມີສິດເລືອກຕັ້ງແຂວງ ຕວຽນກວາງ ໄດ້ຍົກອອກຫຼາຍຄວາມເຫັນ, ຂໍ້ສະເໜີແນະ ແລະ ປາດຖະໜາວ່າ ສະພາແຫ່ງຊາດ ແລະ ບັນດາອົງການທີ່ມີໜ້າທີ່ຮັບຜິດຊອບຄວນເອົາໃຈໃສ່ຍົກສູງການດຳລົງຊີວິດຂອງພໍ່ແມ່ປະຊາຊົນຢູ່ເຂດຕັ້ງຖິ່ນຖານຄົງທີ່ຄືນໃໝ່; ຍົກສູງຄຸນນະພາບການກວດປິ່ນປົວພະຍາດຢູ່ຂັ້ນຮາກຖານ, ລົງທຶນຜະລິດກະສິກຳ, ຊອກສົ້ນອອກຈຳໜ່າຍຜະລິດຕະພັນກະເສດ…ນອກນັ້ນ, ຄະນະສະມາຊິກສະພາແຫ່ງຊາດແຂວງ ກວາງນາມ, ຟຸອຽນ ແລະ ບີ່ງເຢືອງ ກໍໄດ້ຈັດຕັ້ງການພົບປະກັບຜູ້ມີສິດເລືອກຕັ້ງ. ທີ່ການພົບປະຕ່າງໆ, ຜູ້ມີສິດເລືອກຕັ້ງບັນດາແຂວງເຫຼົ່ານັ້ນໄດ້ປະກອບຄຳເຫັນຫຼາຍຢ່າງ ກ່ຽວກັບວຽກງານສ້າງຮ່າງກົດໝາຍສະບັບຕ່າງໆ.