(vovworld) - ຮັບເອົາຄຳເຫັນໃສ່ຮ່າງກົດໝາຍວ່າດ້ວຍການປົກປັກຮັກສາສິ່ງແວດລ້ອມ (ສະບັບປັບປຸງ) ແມ່ນຫົວຂໍ້ຂອງກອງປະຊຸມສຳມະນາໂດຍກະຊວງຊັບພະຍາກອນ ແລະ ສິ່ງແວດລ້ອມ, ອົງການຮ່ວມມືສາກົນຍີ່ປຸ່ນ ສົມທົບກັນຈັດຕັ້ງໃນວັນທີ 10/06, ຢູ່ຮ່າໂນ້ຍ. ພາຍຫຼັງນຳເຂົ້າໃຊ້ການເປັນເວລາ 7 ປີ, ກົດໝາຍວ່າດ້ວຍການປົກປັກຮັກສາສິ່ງແວດລ້ອມປີ 2005 ໄດ້ປະກອບສ່ວນສຳຄັນເຂົ້າໃນການປົກປັກຮັກສາ, ຈຳກັດບັນດາຜົນກະທົບທີ່ຫຍໍ້ທໍເຖິງສ່ິງແວດລ້ອມ. ແຕ່ວ່າ, ຕໍ່ໜ້າຄວາມຮຽກຮ້ອງຕ້ອງການຂອງໄລຍະປ່ຽນແປງໃໝ່, ກົດໝາຍວ່າດ້ວຍການປົກປັກຮັກສາສິ່ງແວດລ້ອມປີ 2005 ມີຫຼາຍຂໍ້ຍັງຄົງຂ້າງ, ບໍ່ທັນເໝາະສົມກັບສະພາບຕົວຈິ່ງ, ພາໄປເຖິງຜົນສັກສິດ, ປະສິດທິຜົນແຫ່ງການປະຕິບັດບໍ່ທັນສູງ. ກະຊວງຊັບພະຍາກອນ ແລະ ສິ່ງແວດລ້ອມ ໄດ້ເປັນເຈົ້າການສ້າງຮ່າງກົດໝາຍວ່າດ້ວຍການປົກປັກຮັກສາສິ່ງແວດລ້ອມ (ສະບັບປັບປຸງ). ຮ່າງກົດໝາຍວ່າກ້ວຍການປົກປັກຮັກສາສິ່ງແວດລ້ອມ (ສະບັບປັບປຸງ) ມີຫຼາຍຈຸດໃໝ່ຄື: ປົກປັກຮັກສາຊັບພະຍາກອນທີ່ດິນ, ແຜນການປົກປັກຮັກສາສິ່ງແວດລ້ອມ, ຂໍ້ມູນກ່ຽວກັບສິ່ງແວດລ້ອມ ແລະ ບົດລາຍງານກ່ຽວກັບສິ່ງແວດລ້ອມ, ເພີ່ມເຕີ່ມການຕິດພັນລະຫວ່າງການປົກປັກຮັກສາສິ່ງແລດລ້ອມກັບການຮັບມືກັບການປ່ຽນແປງຂອງດິນຟ້າອາກາດ. ບັນດາສະມາຊິກສະພາແຫ່ງຊາດ ໄດ້ສຸມໃສ່ປຶກສາຫາລື, ປະກອບຫຼາຍບັນຫາສຳຄັນໃນຮ່າງກົດໝາຍວ່າດ້ວຍການປົກປັກຮັກສາສິ່ງແວດລ້ອມ (ສະບັບປັບປຸງ), ພິເສດແມ່ນຄວາມຮັບຜິດຊອບ, ສິດອຳນາດໃນການປົກປັກຮັກສາສິ່ງແວດລ້ອມຢູ່ຂັ້ນທ້ອງຖິ່ນ, ບົດບາດຂອງພະແນກຊັບພະຍາກອນ ແລະ ສິ່ງແວດລ້ອມ.