(ພາບປະກອບ)
(vovworld) - ມີວິສາຫະກິດ ແລະ ບັນດາທະນາຄານໃຫຍ່ຂອງອາເມລິກາ ນັບ 10 ແຫ່ງ ໄດ້ເຂົ້າຮ່ວມເວທີປາໄສການລົງທຶນເຂົ້າຫວຽດນາມ ເຊິ່ງຫາກໍດຳເນີນໄປຢູ່ນະຄອນຫຼວງ ວໍຊິງເຕັນ ດີຊີ. ເວທີປາໄສເພື່ອແນໃສ່ຊອກຫາໂອກາດເຂົ້າຮ່ວມຮູບແບບລົງທຶນຮ່ວມມືພາກລັດ ແລະ ເອກະຊົນ ຖືກກຳນົດວ່າ ແມ່ນທິດທາງຖືກຕ້ອງຂອງຫວຽດນາມ ເພື່ອດຶງດູດບັນດາແຫຼ່ງກຳລັງເອກະຊົນຈາກພາຍນອກ ໃນການກໍ່ສ້າງ ແລະ ພັດທະນາພື້ນຖານໂຄງລ່າງ. ໃນການປຶກສາຫາລືໂດຍກົງກັບທ່ານລັດຖະມົນຕີກະຊວງແຜນການ ແລະ ການລົງທຶນຫວຽດນາມ ບຸຍກວາງວິງ, ບັນດານັກລົງທຶນອາເມລິກາ ຖືວ່າ ຮູບແບບລົງທຶນຮ່ວມມືພາກລັດ ແລະ ເອກະຊົນຢູ່ຫວຽດນາມ ແມ່ນທິດທາງທີ່ຖືກຕ້ອງ ແລະ ຕີລາຄາສູງບັນດາຄຳໝັ້ນສັນຍາ ແລະ ການກະທຳຂອງລັດຖະບານຫວຽດນາມ. ທ່ານລັດຖະມົນຕີ ບຸຍກວາງວິງ ຢືນຢັນວ່າ, ຫວຽດນາມ ພວມ ແລະ ຈະເຮັດຈົນສຸດຄວາມສາມາດຂອງຕົນ ເພື່ອສ້າງສະພາບແວດລ້ອມແຫ່ງການລົງທຶນຢ່າງປອດໄປ ແລະ ມີຄວາມດຶງດູດ.