(vovworld) - ກອງປະຊຸມປຶກສາຫາລືກ່ຽວກັບວຽກງານກູ້ໄພ, ກ່າວເຕື່ອນ, ຕີລາຄາຄວາມສ່ຽງ ແລະ ກໍ່ສ້າງຄືນໃໝ່ພາຍຫຼັງໄພທຳມະຊາດ, ເປັນການເຄື່ອນໄຫວໃນຂອບເຂດເວທີປາໄສອາຊຽນ (ARF), ເຊິ່ງດຳເນີນໃນວັນທີ 28/02, ຢູ່ ເຈິງຕູ, ແຂວງ ຊືຈວນ, ປະເທດຈີນ. ກອງປະຊຸມປຶກສາຫາລືດຳເນີນໄປເປັນເວລາ 2 ວັນ, ໄດ້ດຶງດູດການເຂົ້າຮ່ວມຂອງຜູ້ແທນປະທານ 100 ຄົນທີ່ມາຈາກ 27 ປະເທດສະມາຊິກ ARF ແລະ ບາງອົງການຈັດຕັ້ງສາກົນ. ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງສະຫວັດດີການສັງຄົມຈີນ ແຈງລີ ຮຽກຮ້ອງໃຫ້ບັນດາຝ່າຍແບ່ງປັນບົດຮຽນ, ພ້ອມທັງພິຈາລະນາບາງໂຄງປະກອບພາກພື້ນກ່ຽວກັບການກູ້ໄພທຳມະຊາດ ກໍ່ຄືດຳເນີນການຝຶກຊ້ອມຮ່ວມໃນປີ 2015. ເຈົ້າໜ້າທີ່ທ່ານນີ້ກໍ່ໃຫ້ຮູ້ວ່າ ລັດຖະບານຈີນໄດ້ນຳບັນຫາກູ້ໄພທຳມາຊາດ, ໄພພິບັດເຂົ້າບັນດາແຜນການພັດທະນາເສດຖະ ກິດ, ສັງຄົມ ແລະ ໃຫ້ຄຳໝັ້ນສັນຍາປົກປັກຮັກສາຊີວະພາບ, ຊັບພະຍາກອນ ແລະ ສິ່ງແວດລ້ອມໃນວິວັດການພັດທະນາເສດຖະກິດ.