ຮອງນາຍົກລັກຖະມົນຕີຫງວຽນຊວນຟຸກພົບປະກັບຜູ້ມີສິດເລືອກຕັ້ງແຂວງກວາງນາມ
(ທ່ານຮອງນາຍົກລັກຖະມົນຕີ ຫງວຽນຊວນຟຸກ
ພົບປະກັບຜູ້ມີສິດເລືອກຕັ້ງແຂວງ ກວາງນາມ)
(vovworld) – ຕອນເຊົ້າວັນທີ 05/12, ທ່ານ ຫງວຽນຊວນຟຸກ, ກຳມະການກົມການເມືອງ, ຮອງນາຍົກລັດຖະມົນຕີ ພ້ອມກັບຄະນະສະມາຊິກສະພາແຫ່ງຊາດແຂວງກວາງນາມ ໄດ້ມີການພົບປະກັບຜູ້ມີສິດເລືອກຕັ້ງເມືອງ ຮຽບດຶກ, ແຂວງກວາງນາມ. ຢູ່ທີ່ນີ້, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ຮັບຮູ້ບັນດາຂໍ້ສະເໜີຂອງຜູ້ມີສິດເລືອກຕັ້ງກ່ຽວກັບບັນດາລະບອບນະໂຍບາຍສຳລັບຊາວໜຸ່ມຕະລຸມບອນ, ຄົມມະນາຄົມຊົນນະບົດ, ສະພາບຂັດແຍ້ງທີ່ດິນ… ທ່ານຮອງນາຍົກລັດຖະມົນຕີຢືນຢັນວ່າ, ຍາມໃດພັກ, ລັດ ແລະ ສະພາແຫ່ງຊາດ ກໍ່ເອົາໃຈໃສ່ພິເສດເຖິງປະຊາຊົນເຂດພູດອຍ, ຄອບຄົວນະໂຍບາຍ. ທ່ານຮອງນາຍົກລັດຖະມົນຕີ ໄດ້ຮຽກຮ້ອງວ່າ, ໃນສິດຕັດສິນຂອງຕົນ, ອຳນາດການປົກຄອງທ້ອງຖີ່ນຕ້ອງແກ້ໄຂບັນດາຂໍ້ຂອງໃຈ, ຂໍ້ສະເໜີຂອງຜູ້ມີສິດເລືອກຕັ້ງ.
“ຂ້າພະເຈົ້າສະເໜີກວດກາຄືນລະບອບນະໂຍບາຍ, ບັນດາບັນຫາເຊິ່ງປະຊາຊົນຍົກອອກມາ. ໃນໄລຍະຜ່ານມາ, ກົມການເມືອງ, ລັດຖະບານໄດ້ຈັດກອງປະຊຸມເຫັນດີເປັນເອກະພາບຕໍ່ບັນດານະໂຍບາຍສຳລັບປະຊາຊົນແນວໜ້າ. ປະຈຸບັນ, ພໍ່ແມ່ປະຊາຊົນສະເໜີນະໂຍບາຍສຳລັບຜູ້ເຂົ້າຮ່ວມວຽກງານການເມືອງ ຫຼື ມີລະບອບສຳລັບຜູ້ມີອາຍຸສູງ. ທ້ອງຖິ່ນຕ້ອງເຮັດແນວໃດເພື່ອແກ້ໄຂໃຫ້ເໝາະສົມກັບສະພາບຕົວຈິງ.”