(vovworld) - ວັນທີ 25/10, ທີ່ການຕ້ອນຮັບທ່ານ Hideo Okubo, ປະທານ CEO Foval group ທັງເປັນປະທານຄະນະກຳມະການພິເສດໜູນຊ່ວຍການຫັນບໍລິສັດຂະໜາດກາງ ແລະ ນ້ອຍຂອງສະຫະສະມາຄົມວິສາຫະກິດຍີ່ປຸ່ນເປັນທົ່ວໂລກ, ທ່ານຮອງນາຍົກລັດຖະມົນຕີ Hoang Trung Hai ໄດ້ເນັ້ນໜັກວ່າ, ລັດຖະບານຫວຽດນາມ ພວມສຸມໃສ່ກໍ່ສ້າງ ແລະ ພັດທະນາຂະແໜງອຸດສາຫະກຳສຳຮອງເພື່ອສຳເລັດເປົ້າໝາຍຫຼຸດຜ່ອນການນຳເຂົ້າເກີນດຸນ, ປະກອບສ່ວນນຳຫວຽດນາມ ກາຍເປັນປະເທດອຸດສາຫະກຳໃນປີ 2020. ຫວຽດນາມ ໄດ້ຜັນຂະຫຍາຍບັນດານະໂຍບາຍດຶງດູດການລົງທຶນ ແລະ ສ້າງເງື່ອນໄຂສະດວກທ່ີສຸດເພື່ອໃຫ້ບັນດາວິສາຫະກິດຕ່າງປະເທດຂະຫຍາຍການລົງທຶນ, ໃນນັ້ນມີວິສາຫະກິດຍີ່ປຸ່ນ. ສ່ວນທ່ານ Hideo Okubo ຖືວ່າ: ເລື່ອງກໍ່ສ້າງບັນດາເຂດອຸດສາຫະກຳຢູ່ຫວຽດນາມ ຕ້ອງປະຕິບັດຕາມມາດຖານຂອງເຂດອຸດສາຫະກຳສົມທົບກັບເຂດຕົວເມືອງ. ຍີ່ປຸ່ນ ພວມລົງທຶນເຂົ້າໃນບັນດາເຂດອຸດສາຫະກຳຢູ່ນະຄອນ Hai Phong, Ba Ria – Vung Tau ແລະ ປາດຖະໜາຢາກເປີດກວ້າງການລົງທຶນເຂົ້າໃນນະຄອນອື່ນໆຂອງຫວຽດນາມ ຫຼາຍກວ່າອີກ.