(vovworld) - ວັນທີ 18/10, ຢູ່ສຳນັກງານລັດຖະບານຫວຽດນາມ, ທ່ານຮອງນາຍົກລັດຖະມົນຕີຫວຽດນາມ Nguyen Thien Nhan ໄດ້ໃຫ້ການຕ້ອນຮັບທ່ານຮອງນາຍົກລັດຖະມົນຕີ, ລັດຖະມົນຕີການເງິນ ສ.ບຸນກາລີ Simeon Dyankov ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ທ່ານຮອງນາຍົກລັດຖະມົນຕີ Nguyen Thien Nhan ຖືວ່າ ການພົວພັນລະຫວ່າງຫວຽດນາມ - ບຸນກາລີ ນັບມື້ນັບເຂົ້າສູ່ລວງເລິກ ດ້ວຍບັນດາໂຄງການຮ່ວມມືໃນຫຼາຍຂົງເຂດຢ່າງລະອຽດ. ຫວຽດນາມ ເຊື່ອໝັ້ນວ່າ ຂໍ້ລິເລີ່ມຮ່ວມຂອງສອງປະເທດກ່ຽວກັບຮູບແບບຮ່ວມມືເສດຖະກິດໃໝ່ຈະສ້າງກຳລັງໜູນຊຸກຍູ້ການພົວພັນດ້ານເສດຖະກິດ, ການຄ້າ, ການລົງທຶນພັດທະນາຂຶ້ນສູ່ລະດັບສູງໃໝ່, ມີປະສິດທິຜົນ ແລະ ແທດຈິງກວ່າ, ເພື່ອຜົນປະໂຫຍດຂອງສອງປະເທດ. ທ່ານຮອງນາຍົກລັດຖະມົນຕີ ໄດ້ສະແດງຄວາມຫວັງວ່າ, ບັນດາອົງການທີ່ກ່ຽວຂ້ອງຂອງບຸນກາລີ ສືບຕໍ່ສົມທົບກັບບັນດາກະຊວງ, ຂະແໜງການຫວຽດນາມ ຢ່າງແໜ້ນແຟ້ນ, ໂດຍສະເພາະແມ່ນກະຊວງອຸດສາຫະກຳການຄ້າ ເພື່ອລົງນາມໃນຂໍ້ຕົກລົງຮ່ວມມືລະຫວ່າງສອງປະເທດກ່ຽວກັບຮູບແບບຮ່ວມມືໃໝ່ໃນປີ 2012.
ທ່ານຮອງນາຍົກລັດຖະມົນຕີ Simeon Dyankov ໄດ້ເນັ້ນໜັກວ່າ ຍາມໃດບຸນກາລີ ກໍເອົາໃຈໃສ່ຊຸກຍູ້ການຮ່ວມມືກັບຫວຽດນາມ ໃນຫຼາຍຂົງເຂດ; ໃນໄລຍະຈະມາເຖິງ, ບຸນກາລີ ຈະຫັນບັນດາຂໍ້ຕົກລົງ, ຮ່ວມມືເຊິ່ງບັນລຸໄດ້ກັບຫວຽດນາມ ໃນການຢ້ຽມຢາມ ແລະ ເຮັດວຽກຄັ້ງນີ້ເປັນລະອຽດ.