ທ່ານຮອງນາຍົກລັດຖະມົນຕີ Nguyen Thien Nhan
ເຮັດວຽກຢູ່ແຂວງ Yen Bai
(ພາບ: baoyenbai.com.vn)
(vovworld) - ວັນທີ 11/11, ທ່ານຮອງນາຍົກລັດຖະມົນຕີ Nguyen Thien Nhan ແລະ ຄະນະປະຕິບັດງານລັດຖະບານ ໄດ້ມີການເຮັດວຽກຢູ່ແຂວງ Yen Bai; ຢ້ຽມຢາມ ແລະ ອວຍພອນວັນຄູຫວຽດນາມ 20/11 ຂອງຄູອາຈານ ແລະ ນັກຮຽນຢູ່ບາງໂຮງຮຽນວິຊາຊີບບາງແຫ່ງຂອງແຂວງ. ທີ່ການເຮັດວຽກກັບການນຳຄະນະພັກແຂວງ, ຄະນະກຳມະການປະຊາຊົນແຂວງ Yen Bai, ທ່ານຮອງນາຍົກລັດຖະມົນຕີ Nguyen Thien Nhan ຕີລາຄາສູງບັນດາໝາກຜົນທີ່ບັນລຸໄດ້ໃນການພັດທະນາເສດຖະກິດສັງຄົມເວົ້າລວມ ແລະ ການສຶກສາບຳລຸງສ້າງເວົ້າສະເພາະຂອງແຂວງ Yen Bai ໃນຊຸມປີຜ່ານມາ. ທ່ານຮອງນາຍົກລັດຖະມົນຕີ Nguyen Thien Nhan ຊີ້ແຈ້ງວ່າ.
“ພວກຂ້າພະເຈົ້າຊົມເຊີຍ ແລະ ອວຍພອນບັນດາຜົນງານລວມຂອງແຂວງ yen Bai ໃນການພັດທະນາເສດຖະກິດສັງຄົມ. ຂອບອົກຂອບໃຈຄວາມເອົາໃຈໃສ່ຂອງບັນດາສະຫາຍໃຫ້ແກ່ພາລະກິດການສຶກສາ, ແຕ່ຂັ້ນອະນຸບານຕະຫຼອດຮອດຂັ້ນວິທະຍາໄລ. ພວກຂ້າພະເຈົ້າເຊື່ອໝັ້ນວ່າ ໃນໄລຍະ 10 – 15 ປີຂ້າງໜ້າ ເມື່ອຫວນຄືນຫຼັງພວກເຮົາອາດດມີຄວາມເອກອ້າງຖະນົງໃຈເພາະ ມື້ນີ້ພວກເຮົາໄດ້ສ້າງພື້ນຖານເພື່ອໃຫ້ແຂວງ Yen Bai ພັດທະນາ”.
ກ່ອນການເຮັດວຽກກັບການນຳແຂວງ Yen Bai, ທ່ານຮອງນາຍົກລັດຖະມົນຕີ Nguyen Thien Nhan ແລະ ຄະນະປະຕິບັດງານໄດ້ລົງຢ້ຽມຢາມ ແລະ ໂອ້ລົມກັບນັກຮຽນ, ນັກສຶກສາ ແລະ ອວຍພອນບັນດາຄູອາຈານເນື່ອງໃນໂອກາດວັນຄູຫວຽດນາມ 20/11 ຢູ່ວິທະຍາໄລຕ່າງໆໃນບໍລິເວນແຂວງ.