(vovworld) – ວັນທີ 6/7, ທ່ານຮອງນາຍົກລັດຖະມົນຕີຫວຽດນາມ Nguyen Xuan Phuc ໄດ້ເຂົ້າຮ່ວມກອງປະຊຸມສະຫຼຸບ 10 ປີແຫ່ງວັນປະຕິບັດຄຳສັ່ງຂອງລັດຖະບານກ່ຽວກັບການແກ້ໄຂການຮ້ອງຟ້ອງ, ຮ້ອງທຸກ ຂອງຊາວກະສິກອນໄລຍະ 2001 – 2011 ໂດຍ ສູນກາງສະມາຄົມຊາວກະສິກອນຫວຽດນາມ ຈັດຕັ້ງຂຶ້ນຢູ່ ຮ່າໂນ້ຍ. ກ່າວຄຳເຫັນນະທີ່ນີ້, ທ່ານຮອງນາຍົກລັດຖະມົນຕີ Nguyen Xuan Phuc ຊີ້ແຈ້ງວ່າ: ການຮ້ອງຟ້ອງ, ຮ້ອງທຸກໃນໝູ່ຊາວກະສິກອນພວມແມ່ນບັນຫາໃຫຍ່ຄວນໄດ້ຮັບການແກ້ໄຂໃນປະຈຸບັນ. ພັກ, ລັດ ເອົາໃຈໃສ່ທີ່ສຸດເຖິງກະສິກຳ, ຊາວກະສິກອນ ແລະ ຊົນນະບົດ. ໃນສະພາບການທີ່ມີຄວາມຫຍຸ້ງຍາກສິ່ງກີດຂວາງຫຼາຍຢ່າງ, ກ່ຽວກັບດ້ານເສດຖະກິດ, ແຕ່ວ່າລະດັບການລົງທຶນສິນເຊື່ອໃຫ້ແກ່ກະສິກຳ, ຊາວກະສິກອນ, ຊົນນະບົດພັດເພີ່ມຂຶ້ນ, ສົມໜ້າເຂດຊົນນະບົດມີການປ່ຽນແປງໃໝ່, ຊີວິດການເປັນຢູ່ຂອງຊາວກະສິກຳພາກສ່ວນໜຶ່ງເປັນປົກກະຕິ. ທ່ານຮອງນາຍົກລັດຖະມົນຕີ Nguyen Xuan Phuc ສະເໜີໃຫ້ສະມາຄົມຊາວກະສິກຳທຸກຂັ້ນຄວນສຸມໃສ່ເປັນເສນາທິການໃຫ້ແກ່ອຳນາດການປົກຄອງທ້ອງຖີ່ນແກ້ໄຂການຮ້ອງຟ້ອງ, ຮ້ອງທຸກ, ພ້ອມທັງປະຕິບັດວຽກງານໂຄສະນາໃຫ້ແກ່ສະມາຊິກໃນສະມາຄົມກ່ຽວກັບຄວາມຮັບຜິດຊອບຂອງປະຊາຊົນໃນການພັດທະນາເສດຖະກິດ - ສັງຄົມ ເປັນຢ່າງດີ, ໂຄສະນາກົດໝາຍ, ໜູນຊ່ວຍດ້ານກົດໝາຍໃຫ້ແກ່ຊາວກະສິກອນ. ທ່ານຮອງນາຍົກລັດຖະມົນຕີ Nguyen Xuan Phuc ກໍສະເໜີໃຫ້ສະມາຄົມຊາວກະສິກອນທຸກຂັ້ນຄວນຄວາມເອົາໃຈໃສ່ເປັນພິເສດເຖິງວຽກງານບຳລຸງສ້າງ, ບຳລຸງດ້ານວິຊາຊີບ, ວິຊາສະເພາະໃຫ້ແກ່ສະມາຊິກຊາວກະສິກອນ.
“ປະທານຄະນະກຳມະການປະຊາຊົນບັນດາແຂວງ, ນະຄອນຄວນສົມທົບກັນຢ່າງແໜ້ນແຟ້ນກັບອົງການກວດການລັດຖະບານ, ກະຊວງຊັບພະຍາກອນສິ່ງແວດລ້ອມ, ກະຊວງຍຸດຕິທຳ ແລະ ບັນດາກະຊວງ, ຂະແໜງການສູນກາງ ເພື່ອກວດກາ, ສະຖິຕິ ບັນດາກໍລະນີຮ້ອງຟ້ອງທີ່ສັບສົນ, ແກ່ຍາວ, ມີແຜນການຢ່າງລະອຽດ, ສຸມໃສ່ແກ້ໄຂໃຫ້ສຳເລັດຢ່າງເດັດຂາດ. ໃນວິວັດການແກ້ໄຂອຳນາດການປົກຄອງທຸກຂັ້ນຕ້ອງເຊີນແນວໂຮມປະເທດຊາດ, ບັນດາອົງການຈັດຈັ້ງມະຫາຊົນ, ການເມືອງ, ສັງຄົມ, ພິເສດແມ່ນສະມາຄົມຊາວກະສິກອນເຂົ້າຮ່ວມການແກ້ໄຂ, ຈັດຕັ້ງການເຈລະຈາ, ພິຈາລະນານິຕິທຳຢ່າງຮອບດ້ານ ແລະ ສະພາບຕົວຈິງ, ເພື່ອໃຫ້ມີມາດຕະການແກ້ໄຂຢ່າງສົມເຫດສົມຜົນ, ຢຸດຕິການຮ້ອງຟ້ອງທີ່ແກ່ຍາວ.”