(vovworld) - ທີ່ການຕ້ອນຮັບຄະນະຜູ້ແທນບັນດາສະຖານທູດ, ອົງການຈັດຕັ້ງສາກົນ, ນັກອຸປະຖຳໃຫ້ແກ່ວຽກງານປ້ອງກັນ ແລະ ຕ້ານ HIV/AIDS, ຢາເສບຕິດ, ໂສເພນີ ຢູ່ຫວຽດນາມ ໂດຍທ່ານນາງ Pratibha Mechta, ຜູ້ປະສານງານປະຈຳ, ທັງເປັນປະທານໜ່ວຍປະສານງານບໍ່ເປັນທາງການກ່ຽວກັບ HIV (ອົງການສະຫະປະຊາຊາດປະຈຳຫວຽດນາມ), ເປັນຫົວໜ້າຄະນະ, ຢູ່ທີ່ຮ່າໂນ້ຍ, ໃນວັນທີ 11/12, ທ່ານຮອງນາຍົກລັດຖະມົນຕີຫວຽດນາມ ຫງວຽນຊວງຟຸ໋ກ ໄດ້ຕີລາຄາສູງການໜູນຊ່ວຍຢ່າງມີປະສິດທິຜົນຂອງບັນດາເອກອັກຄະລັດຖະທູດ, ຫົວໜ້າຜູ້ຕາງໜ້າ, ບັນດາອົງການສາກົນ ແລະ ບັນດານັກອຸປະຖຳໃຫ້ແກ່ວຽກງານປ້ອງກັນ ແລະ ຕ້ານ AIDS, ຢາເສບຕິດ, ໂສເພນີຢູ່ຫວຽດນາມ ໃນໄລຍະຜ່ານມາ. ນອກຈາກຄວາມມານະພະຍາຍາມຂອງລັດຖະບານ ແລະ ປະຊາຊົນຫວຽດນາມ ກ່ຽວກັບວຽກງານປ້ອງກັນ ແລະ ຕ້ານ HIV/AIDS ແລ້ວ, ທ່ານຮອງນາຍົກລັດຖະມົນຕີ ຫງວຽນຊວນຟຸ໋ກ ຫວັງວ່າ ຈະສືບຕໍ່ໄດ້ຮັບການຮ່ວມມື, ຊ່ວຍເຫຼືອຢ່າງແໜ້ນແຟ້ນ, ເຕັມໄປດ້ວຍເຈດຕະນາດີ ແລະ ມີປະສິດທິຜົນຈາກບັນດານັກອຸປະຖຳ, ເພື່ອມິດສາກົນ ເພື່ອຮັກສາ, ຮັບປະກັນຄວາມໝັ້ນຄົງ ແລະ ເສີມຂະຫຍາຍຜົນງານຕ່າງໆເຊິ່ງທັງສອງຝ່າຍໄດ້ພ້ອມກັນມະນາພະຍາຍາມໃນໄລຍະຜ່ານມາ. ທ່ານນາງ Pratibha Mechta ຢືນຢັນວ່າ, ບັນດານັກອຸປະຖຳຈະສືບຕໍ່ໜູນຊ່ວຍຫວຽດນາມ ປະຕິບັດຍຸດທະສາດກ່ຽວກັບການປ້ອງກັນ ແລະ ຕ້ານ ຢາເສບຕິດ, HIV/AIDS ຢ່າງມີປະສິດທິຜົນ.