(vovworld) – ທີ່ການພົບປະກັບຜູ້ມີສິດເລືອກຕັ້ງເທດສະບານ ກວາງອຽນ, ແຂວງ ກວາງນິງ ໃນຕອນເຊົ້າວັນທີ 03/07, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ແລະ ຄະນະສະມາຊິກສະພາແຫ່ງຊາດແຂວງກວາງນິງ ໄດ້ແຈ້ງໃຫ້ຜູ້ມີສິດເລືອກຕັ້ງຊາບກ່ຽວກັບໝາກຜົນຂອງກອງປະຊຸມສະໄໝສາມັນເທື່ອທີ 7 ສະພາແຫ່ງຊາດຫວຽດນາມ ຊຸດທີ 13. ບັນດາຜູ້ມີສິດເລືອກຕັ້ງມີຄວາມເຊື່ອໝັ້ນ ແລະ ມີເບີກບານຕໍ່ບັນດາໝາກຜົນທີ່ບັນລຸໄດ້ໃນກອງປະຊຸມສະພາແຫ່ງຊາດ; ນອກຈາກນັ້ນ ໄດ້ສະແດງຄວາມຂັດໃຈຕໍ່ເລື່ອງຈີນ ຕັ້ງຮ້ານເຈາະນ້ຳມັນໄຮຢາງ 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ… ກ່ຽວກັບບັນຫານີ້, ທ່ານຮອງນາຍົກລັດຖະມົນຕີ ຟ້າມບິ່ງມິງ ຢືນຢັນທັດສະນະສະເໝີຕົ້ນສະເໝີປາຍຂອງພັກ ແລະ ລັດຫວຽດນາມ ທີ່ເດັດດ່ຽວປົກປັກຮັກສາອະທິປະໄຕຄວາມສະຫງົບປອດໄພແຫ່ງຊາດ ແຕ່ກໍ່ຕ້ອງຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບເພື່ອພັດທະນາປະເທດຊາດ. ຫວຽດນາມ ເດັດດ່ຽວຕໍ່ສູ້ຮຽກຮ້ອງຈີນ ຖອນຮ້ານເຈາະນ້ຳມັນໄຮຢາງ 981 ແລະ ບັນດາກຳລັງປ້ອງກັນອອກຈາກເຂດທະເລທີ່ຂຶ້ນກັບອະທິປະໄຕຂອງຫວຽດນາມ ບົນພື້ນຖານກົດໝາຍສາກົນ ແລະ ສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982.