(vovworld) – ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຟ້າມບິ່ງມິງ ໄດ້ນຳໜ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມປະຈຳປີເວທີປາໄສເສດຖະກິດໂລກ (WEF) ປີ 2015 ຢູ່ດາໂວດ, ປະເທດສະວິດ ໃນລະຫວ່າງວັນທີ 21 – 24/01. ທ່ານຮອງນາຍົກລັດຖະມົນຕີ ຟ້າມບິ່ງມິງ ຈະເຂົ້າຮ່ວມ ແລະ ກ່າວປາໄສທີ່ບັນດາວາລະປຶກສາຫາລືກ່ຽວກັບອາຊຽນ, ຄຳ້ປະກັນດ້ານສະບຽງອາຫານທົ່ວໂລກ, ສ້າງເປັນໂລກໃໝ່ - ກຳນົດບັນດາຄວາມຕ້ອງການ/ທ່າອ່ຽງໃນປີ 2015, ແງ່ຫວັງທີ່ຕັ້ງ - ພູມສາດການເມືອງ 2015… ທ່ານຮອງນາຍົກລັດຖະມົນຕີ ຟ້າມບິ່ງມິງ ກໍ່ຈະມີການເຈລະຈາກັບການນຳບັນດາວິສາຫະກິດເຂົ້າຮ່ວມ WEF, ພົບປະ 2 ຝ່າຍກັບເຈົ້າໜ້າທີ່ບັນດາປະເທດ, ການນຳບາງອົງການຈັດຕັ້ງສາກົນ.
ດ້ວຍຫົວຂໍ້ວ່າ “ສະພາບໂລກໃໝ່”, ກອງປະຊຸມຄັ້ງນີ້ຈະສຸມໃສ່ປຶກສາຫາລືກ່ຽວກັບສະພາບການໃໝ່ຂອງພື້ນຖານເສດຖະກິດໂລກ, ສະພາບພູມສາດ - ການເມືອງທົ່ວໂລກ ແລະ ພາກພື້ນ, ບັນດາບັນຫາທົ່ວໂລກຄືການປ່ຽນແປງຂອງດິນຟ້າອາກາດ…