ການພົບປະລະຫວ່າງ 2 ຝ່າຍ

ໂດຍສືບຕໍ່ການເຄື່ອນໄຫວພົບປະ 2 ຝ່າຍໃນຂອບເຂດສັບປະດາຂັ້ນສູງ APEC ຢູ່ ດ່ານັ້ງ, ຕອນເຊົົ້າວັນທີ 11 ພະຈິກ, ທ່ານ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບີ່ງມີງ ມີການພົບປະກັບທ່ານລັດຖະມົນຕີການຕ່າງປະເທດ ອາເມລິກາ Rex Tillerson. ນະທີ່ນີ້, ທ່ານລັດຖະມົນຕີການຕ່າງປະເທດ Rex Tillerson ຢັ້ງຢືນວ່າ: ອາເມລິກາ ຖືເປັນສຳຄັນການພົວພັນມິດຕະພາບ ແລະ ການຮ່ວມມື ກັບ ຫວຽດນາມ, ເນັ້ນໜັກເຖິງການຢ້ຽມຢາມ ຫວຽດນາມ ຂອງທ່ານປະທານາທິບໍດີ Donald Trump ມີຄວາມໝາຍສຳຄັນ, ຫວຽດນາມ ແມ່ນສະຖານທີ່ທຳອິດທີ່ທ່ານປະທານາທິບໍດີ Donald Trump ມາຢ້ຽມຢາມຢູ່ພາກພື້ນ ອາຊີຕາເວັນອອກສ່ຽງໃຕ້. ທ່ານລັດຖະມົນຕີການຕ່າງປະເທດ Rex Tillerson ເຊື່ອໝັ້ນວ່າ ການຢ້ຽມຢາມ ຈະເພີ່ມທະວີການພົວພັນຄູ່ຮ່ວມມືຮອບດ້ານ ຫວຽດນາມ - ອາເມລິກາ ກ່ວາອີກ.

        ທ່ານ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບີ່ງມີງ ແລະ ທ່ານລັດຖະມົນຕີການຕ່າງປະເທດ Rex Tillerson ເຫັນດີເພີ່ມທະວີການສົມທົບກັນໃນບັນດາກົນໄກໂດຍ ອາຊຽນ ນຳພາ, ເສີມຂະຫຍາຍບົດບາດໃຈກາງຂອງ ອາຊຽນ ກ່ວາອີກ, ສະໜັບສະໜູນ ແກ້ໄຂຄວາມຂັດແຍ້ງກັນຢູ່ທະເລຕາເວັນອອກ ໂດຍສັນຕິວິທີບົນພື້ນຖານກົດໝາຍສາກົນ, ໃນນັ້ນມີສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982 (UNCLOS), ປະກອບສ່ວນຕັ້ງໜ້າເຂົ້າໃນການຮັກສາສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ.