(vovworld) – ທ່ານຮອງນາຍົກລັດຖະມົນຕີ ຫງວຽນຊວນຟຸກ ນຳໜ້າຄະນະຜູ້ແທນລັດຖະບານ ຫວຽດນາມ ຢ້ຽມຢາມ, ເຮັດວຽກຢູ່ ອາເມລິກາ ແລະ ເຂົ້າຮ່ວມລາຍການການນຳຄຸ້ມຄອງຂັ້ນສູງ ຫວຽດນາມ ຢູ່ ມະຫາວິທະຍາໄລ Havard, ແຕ່ວັນທີ 21 – 30/8. ໃນຂອບເຂດການຢ້ຽມຢາມ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ຈະມີການພົບປະ 2 ຝ່າຍກັບວົງການການເມືອງ ອາເມລິກາ, ເຮັດວຽກກັບຫ້ອງການປະສານງານປ້ອງກັນ, ຕ້ານ AIDS ທົ່ວໂລກ, ຫ້ອງການປະສານງານນະໂຍບາຍຢາເສບຕິດສະຫະລັດ, ຢ້ຽມຢາມສານຢາເສບຕິດ ແລະ ບາງຮາກຖານປິ່ວປົວບຳບັດຜູ້ຕິດຢາເສບຕິດ, ຢ້ຽມຢາມພະນັກງານ ພາລະກອນຄະນະຜູ້ຕາງໜ້າ ຫວຽດນາມ ປະຈຳສະຫະປະຊາຊາດ. ກໍ່ໃນການຢ້ຽມຢາມຄັ້ງນີ້, ທ່ານຮອງນາຍົກລັດຖະມົນຕີ ຫງວຽນຊວນຟຸກ ກໍ່ເຂົ້າຮ່ວມລາຍການການນຳຄຸ້ມຄອງຂັ້ນສູງ ຫວຽດນາມ ຢູ່ ມະຫາວິທະຍາໄລ Havard ດ້ວຍຫຼາຍຫົວເລື່ອງສະເພາະທີ່ມີປະໂຫຍດຈາກບັນດາສາດສະດາຈານ, ຜູ້ຊ່ຽວຊານອັນດັບໜຶ່ງຂອງມະຫາວິທະຍາໄລ Havard ກ່ຽວກັບບັນດາຂົງເຂດເສດຖະກິດ, ສັງຄົມ, ກົດໝາຍ. ການຢ້ຽມຢາມ ແລະ ເຮັດວຽກຢູ່ ອາເມລິກາ ຂອງທ່ານຮອງນາຍົກລັດຖະມົນຕີ ຫງວຽນຊວນຟຸກ ເພື່ອແນໃສ່ເພີ່ມທະວີຄວາມເຂົ້າອົກເຂົ້າໃຈ, ຄວາມໄວ້ເນື້ອເຊື່ອໃຈ ແລະ ການຮ່ວມມືໃນທຸກຂົງເຂດລະຫວ່າງ ຫວຽດນາມ - ອາເມລິກາ ກ່ວາອີກ.