(vovworld) - ຕອນເຊົ້າວັນທີ 24 ກັນຍາ, ກ່າວຄຳເຫັນທີ່ກອງປະຊຸມຮັບປະກັນວຽກງານປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍ ໃນ 9 ເດືອນຕົ້ນປີ 2013, ໂດຍກະຊວງຕຳຫຼວດສົມທົບກັບຄະນະຊີ້ນຳເຂດທາງທິດຕາເວັນຕົກສຽງເໜືອຂອງຫວຽດນາມ, ທ່ານຮອງນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ຕີລາຄາສູງຄວາມມານະພະຍາຍາມຂອງຄະນະພັກ, ອຳນາດການປົກຄອງທ້ອງຖິ່ນທຸກຂັ້ນ ເຊິ່ງກຳລັງຕຳຫຼວດເປັນແກ່ນສານ ໃນການຮັກສາສະຖຽນລະພາບ ແລະ ພັດທະນາໃນໄລຍະຜ່ານມາ. ທ່ານຮອງນາຍົກລັດຖະມົນຕີ ຮຽກຮ້ອງໃຫ້ບັນດາກະຊວງ, ຄະນະ, ຂະແໜງການທີ່ກ່ຽວຂ້ອງສຸມໃສ່ເພີ່ມທະວີກໍ່ສ້າງກຸ່ມກ້ອນມະຫາສາມັກຄີທົ່ວປວງຊົນທັງຊາດ; ຍູ້ແຮງການປັບປຸງ, ກໍ່ສ້າງລະບົບການເມືອງຂັ້ນຖາກຖານໃຫ້ເຂັ້ມແຂງ, ໂດຍສະເພາະແມ່ນບັນດາບໍລິເວັນຈຸດສຸມ, ກໍ່ສ້າງ, ຍູ້ແຮງຂະບວນການປະຊາຊົນທົ່ວປະເທດປົກປັກຮັກສາຄວາມສະຫງົບຂອງປະເທດຊາດ. ພ້ອມກັນນັ້ນ ກຳລັງຄຳຫຼວດສືບຕໍ່ເປັນເຈົ້າການ, ກຳໄດ້ສະພາບການ, ຕ້ານບັນດາອາດຊະຍາກຳ, ແກ້ໄຂບັນດາເຫດການທີ່ສັບສົນ...