(vovworld) - ຕອນເຊົ້າວັນທີ 18/05, ກະຊວງຄົມມະນາຄົມຂົນສົ່ງສົມທົບກັບຄະນະກຳມະການປະຊາຊົນແຂວງ ເທື່ອທຽນ - ເຫວ ຈັດຕັ້ງພິທີລົງມືກໍ່ສ້າງທາງອຸມົງຜ່ານກີ່ວ ຟຸ໋ຢາ ແລະ ກີ່ວເຟືອກເຕື້ອງ, ໃນທາງຫຼວງ 1A, ຕອນຂຶ້ນກັບເມືອງຟຸ໋ໂລກ, ແຂວງ ເທື່ອທຽນ - ເຫວ. ໂຄງການທາງອຸໂມງຜ່ານກີ່ວ ຟຸ໋ຢາ ແລະ ກີ່ວເຟືອກເຕື້ອງ ມີລວງຍາວ 8,4 ກ.ມ, ດ້ວຍຍອດຈຳນວນເງິນລົງທຶນກວ່າ 1.700 ຕື້ດົງ. ກ່າວຄຳເຫັນທີ່ພິທີ່ລົງມືກໍ່ສ້າງ, ທ່ານຮອງນາຍົກລັດຖະມົນຕີ ຫງວຽນຊວນຟຸ໋ກ ເນັ້ນໜັກວ່າ.
“ເລື່ອງກໍ່ສ້າງທາງອຸໂມງ 2 ສາຍນີ້ມີຄວາມໝາຍສຳຄັນທີ່ສຸດໃນການໄປມາເພື່ອເຊື່ອມຕໍ່ບັນດາມໍລະດົກວັດທະນະທຳລະຫວ່າງແຂວງ ເທື່ອທຽນ - ເຫ້ວ ແລະ ນະຄອນດ່ານັ້ງ, ແຂວງກວາງນາມ ແລະ ບັນດາແຂວງໃກ້ຄຽງ. ກ່ຽວກັບຄວາມປອດໄພທາງຄົມມະນາຄົມທາງອຸໂມງນີ້ມີຄວາມໝາຍຢ່າງໃຫຍ່ຫຼວງ ຍ້ອນກີ່ວ ຟຸ໋ຢາ ແລະ ກີ່ວເຟືອກເຕື້ອງ ເຄີຍເກີດອຸບັນຕິເຫດ ແລະ ການຕິດຂັດເປັນປະຈຳ, ຍ້ອນພຽງແຕ່ມີເສັ້ນທາງດຽວເທົ່ານັ້ນ.”
ແລະກໍໃນຕອນເຊົ້າວັນດຽວກັນ, ທ່ານຮອງນາຍົກ ຫງວຽນຊວນຟຸ໋ກ ໄດ້ເຂົ້າຮ່ວມພິທີລົງມືກໍ່ສ້າງໂຄງການເປີດກ້ວາງເສັ້ນທາງຫຼວງ 1A ຕອນຜ່ານແຂວງ ເທື່ອທຽນ - ເຫວ ແລະ ເຂົ້າຮ່ວມພິທີເປີດສະຫຼອງໂຮງໝໍຫຼາຍຂະແໜງທາງທິດເໜືອແຂວງເທື່ອທຽນ - ເຫວ.