ຮອງນາຍົກລັດຖະມົນຕີ ຫງວຽນຊວນຟຸກ ເປັນປະທານວາລະປະຊຸມຄັ້ງທີ 4 ຄະນະຊີ້ນຳການປ່ຽນໃໝ່ຍົກສູງການກວດສອບຍຸຕິທຳ
(ວາລະປະຊຸມຄັ້ງທີ 4 ຄະນະຊີ້ນຳການປ່ຽນໃໝ່ຍົກສູງການກວດສອບຍຸຕິທຳ)
(vovworld) – ຕອນເຊົ້າວັນທີ 6/3, ທີ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ເປັນປະທານວາລະປະຊຸມຄັ້ງທີ 4 ຄະນະຊີ້ນຳ ປະຕິບັດແຜນຮ່າງ “ການປ່ຽນໃໝ່ ແລະ ຍົກສູງປະສິດທິຜົນການເຄື່ອນໄຫວກວດສອບດ້ານຍຸຕິທຳ ” ( ແຜນຮ່າງ 258).
ທີ່ວາລະປະຊຸມ, ຜູ້ຕາງໜ້າບັນດາກະຊວງ, ຂະແໜງການ, ທ້ອງຖິ່ນ ໄດ້ສຸມໃສ່ປຶກ ສາຫາລືບັນດາໜ້າທີ່ຈຸດສຸມໃນປີ 2015 ເພື່ອແນໃສ່ຍົກສູງຄວາມຮັບຮູ້ ກ່ຽວກັບວຽກງານກວດສອບດ້ານຍຸຕິທຳ, ບັນດາຜູ້ແທນກໍ່ຍົກອອກບັນດາສິ່ງທີ່ຍັງຄົງຄ້າງ, ຂໍ້ຈຳກັດໃນການຈັດຕັ້ງຜັນຂະຫຍາຍການປະຕິບັດແຜນຮ່າງ 258 ຢ່າງກົງໄປກົງມາ.
ກ່າວຄຳເຫັນສະຫລຸບວາລະປະຊຸມ, ທ່ານຮອງນາຍົກລັດຖະມົນຕີ ຫງວຽນຊວນຟຸກ, ຫົວໜ້າຄະນະຊີ້ນຳການປະຕິບັດແຜນຮ່າງ “ການປ່ຽນໃໝ່ ແລະ ຍົກສູງປະສິດທິຜົນການເຄື່ອນໄຫວກວດສອບດ້ານຍຸຕິທຳ” ເນັ້ນໜັກວ່າ: ເລື່ອງປະຕິບັດບັນດາໜ້າທີ່ຂອງແຜນຮ່າງດັ່ງກ່າວຕາມແຜນການຂອງລັດຖະບານ ແມ່ນຄວາມຮຽກຮ້ອງຕ້ອງການທີ່ບັງຄັບ, ແມ່ນຄວາມຮັບຜິດຊອບຂອງບັນດາກະຊວງ, ຂະແໜງການ, ຄະນະພັກ ແລະ ອຳນາດການປົກຄອງທ້ອງຖິ່ນທຸກຂັ້ນ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ສະເໜີ ບັນດາກະຊວງ, ຂະແໜງການ, ທ້ອງຖິ່ນຕ້ອງກວດກາຄືນເພື່ອກຳນົດບັນດາໜ້າທີ່ລະອຽດ, ເຊິ່ງໄດ້ຮັບການມອບໝາຍຕາມແຜນຮ່າງ, ສຸມໃສ່ປະຕິບັດການກວດສອບ, ຮັບໃຊ້ໃຫ້ວຽກງານຕ້ານການສໍ້ລາດບັງຫຼວງ, ບໍ່ປະໃຫ້ຄ້າງໄວ້ສົ່ງຜົນສະທ້ອນບໍ່ດີເຖິງວຽກງານດຳເນີນຄະດີ. ພ້ອມທັງສະເໜີສ້າງຕັ້ງອົງການ ກວດສອບດ້ານຍຸຕິທຳຂອງລັດໃນບັນດາຂົງເຂດທີ່ຈຳເປັນ, ສົ່ງເສີມການສ້າງຕັ້ງຫ້ອງການ ກວດສອບດ້ານຍຸຕິທຳໃນຂົງເຂດຕ່າງໆຕາມຂໍ້ຕົກລົງຂອງກົດໝາຍວ່າດ້ວຍກວດສອບ ດ້ານຍຸຕິທຳ.