ທ່ານຮອງນາຍົກລັດຖະມົນຕີ ຫງວຽນຊວນຟຸກ
ເຮັດວຽກຢູ່ແຂວງເຊີນລາ
(ພາບ: VGP)
(vovworld) – ຕອນບ່າຍວັນທີ 04/04, ຢູ່ເມືອງ ໂມກເຈົາ, ແຂວງເຊີນລາ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ພ້ອມກັນຄະນະປະຕິບັດງານໄດ້ມີການເຮັດວຽກກັບແຂວງເຊີນລາ ກ່ຽວກັບສະພາບການພັດທະນາເສດຖະກິດ, ສັງຄົມ, ວຽກງານປ້ອງກັນ, ຕ້ານອາດຊະຍາກຳ, ໄພສັງຄົມໃນບໍລິເວັນແຂວງ. ກ່າວຄຳເຫັນຢູ່ທີ່ນີ້, ທ່ານຮອງນາຍົກລັດຖະມົນຕີ ຫງວຽນຊວນຟຸກ ຕີລາຄາສູງບັນດາຄວາມມານະພະຍາຍາມຂອງແຂວງເຊີນລາ ໃນການພັດທະນາເສດຖະກິດສັງຄົມ, ຮັບປະກັນການປ້ອງກັນຊາດ, ປ້ອງກັນຄວາມສະຫງົບ, ໂດຍສະເພາະແມ່ນວຽກງານປ້ອງກັນ, ຕ້ານອາດຊະຍາກຳ ໄດ້ມີການຫັນປ່ຽນ, ສ້າງຄວາມເປັນລະບຽບຮຽບຮ້ອຍກ່ຽວກັບການປ້ອງກັນ, ຕ້ານຢາເສບຕິດຄືນໃໝ່. ທ່ານຮອງນາຍົກລັດຖະມົນຕີ ສະເໜີໃຫ້ບັນດາກະຊວງ, ຂະແໜງການສູນກາງ ພິຈາລະນາ ເພີ່ມບັນດາແຫຼ່ງທຶນເພື່ອຜັນຂະຫຍາຍບາງໂຄງການຂຶ້ນກັບແຫຼ່ງທຶນຫາກໍ່ເກີດໃໝ່; ສຸມໃສ່ແຫຼ່ງຊັບພະຍາກອນມະນຸດເພື່ອຜັນຂະຫຍາຍວຽກງານປ້ອງກັນ, ຕ້ານອາດຊະຍາກຳ, ພິເສດແມ່ນອາດຊະຍາກຳຢາເສບຕິດ; ຍູ້ແຮງການປະຕິຮູບດ້ານການບໍລິຫານ, ສູ້ຊົນຍົກສູງດັດສະນີແກ່ງແຍ້ງ, ສ້າງເງື່ອນໄຂສະດວກທີ່ສຸດໃຫ້ບັນດານັກລົງທຶນ, ດຶງດູດທຸກແຫຼ່ງກຳລັງໃຫ້ແກ່ການພັດທະນາເສດຖະກິດສັງຄົມຂອງແຂວງ.