ຮອງນາຍົກລັດຖະມົນຕີ ຫງວຽນຊວນຟຸກ: ແຂວງ ເຊີນລາ ຄວນເອົາໃຈໃສ່ ປະຕິບັດນະໂຍບາຍຊົນເຜົ່າ
ທ່ານຮອງນາຍົກລັດຖະມົນຕີ ຫງວຽນຊວນຟຸກ
ເຮັດວຽກກັບຜູ້ການນຳແຂວງ ເຊີນລາ
(ພາບ: VGP)
(vovworld) - ວັນທີ 14/1, ທ່ານຮອງນາຍົກລັດຖະມົນຕີ ຫງວຽນຊວນຟຸກ, ຫົວໜ້າຄະນະຊີ້ນຳເຂດຕາເວັນຕົກສ່ຽງເໜືອໄດ້ນຳໜ້າຄະນະປະຕິບັດງານສູນກາງ, ເຮັດວຽກກັບຜູ້ການນຳແຂວງ ເຊີນລາ ກ່ຽວກັບສະພາບການພັດທະນາເສດຖະກິດ - ສັງຄົມ, ການປະຕິບັດນະໂຍບາຍຊົນເຜົ່າ ແລະ ວຽກງານຄວບຄຸມຢາເສບຕິດໃນແຂວງ. ທ່ານຮອງນາຍົກລັດຖະມົນຕີເນັ້ນໜັກວ່າພ້ອມກັບການໜູນຊ່ວຍຈາກສູນກາງ, ເຊີນລາ ຕ້ອງເສີມຂະຫຍາຍທ່າແຮງຂອງຕົນກໍ່ຄື ກຳລັງແຮງລວມຂອງບັນດາພາກສ່ວນເສດຖະກິດຢ່າງແຮງໃຫ້ແກ່ການພັດທະນາເສດຖະກິດ - ສັງຄົມ. ແຂວງ ເຊີນລາ ຄວນເອົາໃຈໃສ່ປະຕິບັດນະໂຍບາຍຊົນເຜົ່າຂອງພັກ, ລັດ, ຕ້ອງມີບັນດາວິທີແກ້ໄຂຢ່າງຕັ້ງໜ້າ, ມີປະສິດທິຜົນໃນການລົບລ້າງຄວາມທຸກຍາກຢູ່ເຂດຫ່າງໄກຊອກຫຼີກ, ເຂດຊົນເຜົ່າ. ແຂວງ ເຊີນລາ ກໍ່ຄວນເພີ່ມທະວີໃນການປາບປາມອາຊະຍາກຳປະເພດຕ່າງໆ, ພິເສດແມ່ນອາຊະຍາກຳຊື້ຂາຍຢາເສບຕິດເພາະວ່າ ເຊີນລາ ແມ່ນແຂວງມີເສັ້ນຊາຍແດນຕິດກັບຕ່າງປະເທດດັ່ງນັ້ນບັນດາເປົ້າໝາຍອາຊະຍາກຳເຄີຍສວຍໂອກາດເພື່ອຂົນສົ່ງ, ຊື້ຂາຍ, ສະສົມຢາເສບຕິດ, ເຮັດໃຫ້ຂາດຄວາມສະຫງົບ - ຄວາມເປັນລະບຽບຮຽບຮ້ອຍໃນສັງຄົມ.