ຮອງນາຍົກລັດຖະມົນຕີ ຫງວຽນຊວນຟຸກອວຍ ພອນບັນດາກົມກອງ ສັງກັດກະຊວງຕຳຫຼວດ
(ພາບ: vov)
(vovworld) –ຕອນບ່າຍວັນທີ 18/8, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ໄປຢ້ຽມຢາມ, ອວຍພອນພະນັກງານ, ນັກຮົບກົມຕຳຫຼວດສືບສວນອາດຊະຍາກຳກ່ຽວກັບຄວາມເປັນລະບຽບຮຽບຮ້ອຍທາງສັງຄົມ (C45), ກົມຕຳຫຼວດສືບສວນອາດຊະຍາກຳກ່ຽວກັບຢາເສບຕິດ (C47) ແລະ ກົມຄຸ້ມຄອງການເຂົ້າອອກເມືອງ (A72), ສັງກັດກະຊວງຕຳຫຼວດຫວຽດນາມ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ສະເໜີພະນັກງານ, ນັກຮົບ C45 ຕ້ອງເສີມຂະຫຍາຍບົດບາດຫລັກແຫຼ່ງ, ຊີ້ນຳ, ສົມທົບກັບຕຳຫຼວດບັນດາກົມກອງທ້ອງຖິ່ນ; ສືບຕໍ່ປະຕິບັດວຽກງານວິຊາການພື້ນຖານເປັນຢ່າງດີ…ທ່ານໄດ້ຊົມເຊີຍ ແລະ ມອບຂອງຂວັນໃຫ້ແກ່ພະນັກງານ, ນັກຮົບ C47, ທ່ານຮອງນາຍົກລັດຖະມົນຕີ ຫງວຽນຊວນຟຸກ ສະເໜີ C47 ຕ້ອງເປັນເຈົ້າການສົມທົບກັບບັນດາກຳລັງພາສີ, ຕຳຫຼວດທະເລ, ທະຫານປ້ອງກັນຊາຍແດນຄວບຄຸມເຂດຊາຍແດນ, ດ່ານຊາຍແດນຢ່າງແໜ້ນແຟ້ນ….ທີ່ການເຮັດວຽກກັບຫົວໜ້າກົມຄຸ້ມຄອງການເຂົ້າອອກເມືອງ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ປາດຖະໜາວ່າກົມກອງຈະປະຕິບັດວຽກງານປ້ອງກັນ, ສະກັດກັ້ນ, ຕໍ່ສູ້ ແລະ ແກ້ໄຂບັນດາການກະທຳລະເມີດກົດໝາຍຫວຽດນາມ ກ່ຽວກັບການເຂົ້າອອກເມືອງຢ່າງທັນການ, ປະຕິບັດບັນດາໜ້າທີ່ເປັນຢ່າງດີ, ປະກອບສ່ວນຮັບປະກັນຕວາມສະຫງົບປອດໄພ, ຄວາມເປັນລະບຽບຮຽບຮ້ອຍຂອງປະເທດຊາດ./.