(vovworld) - ວັນທີ 24/11, ທ່ານຮອງນາຍົກລັດຖະມົນຕີຫວຽດນາມ ຫງວຽນທ້ຽນເຍິນ ໄດ້ໃຫ້ການຕ້ອນຮັບທ່ານ Kun Yang, ປະທານອົງການກວດກາ ແລະ ກວດສອບ ສ.ເກົາຫຼີ. ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ຫງວຽນທ້ຽນເຍິນ ແລະ ທ່ານ Kun Yang, ປະທານອົງການກວດກາ ແລະ ກວດສອບ ສ.ເກົາຫຼີ ໄດ້ພ້ອມກັນແບ່ງປັນບົດຮຽນຂອງແຕ່ລະປະເທດໃນວຽກງານປ້ອງກັນ, ຕ້ານການສໍ້ລາດບັງຫຼວງ, ແກ້ໄຂການຮ້ອງທຸກ ກ່າວຟ້ອງ, ບຳລຸງສ້າງ ແລະ ຍົກສູງຄວາມສາມາດໃຫ້ພະນັກງານກວດກາ ແລະ ບັນດາສະມາຊິກວົງການກວດສອບ. ທ່ານຮອງນາຍົກລັດຖະມົນຕີ ຫງວຽນທ້ຽນເຍິນ ໃຫ້ຂໍ້ສັງເກດວ່າ, ຫວຽດນາມ ແລະ ສ.ເກົາຫຼີ ມີຄວາມຄ້າຍຄືກັນກ່ຽວກັບດ້ານວັດທະນະທຳ ແລະ ບັນດາຄວາມສາມາດບົ່ມຊ້ອນ, ທ່າແຮງຮ່ວມມືທີ່ໃຫຍ່ຫຼວງ. ນີ້ແມ່ນເງື່ອນໄຂທີ່ດີ ເພື່ອໃຫ້ສອງປະເທດສືບຕໍ່ຊຸກຍູ້ການພົວພັນຮ່ວມມືໃນບັນດາຂົງເຂດທີ່ນັບມື້ນັບເຂົ້າສູ່ລວງເລິກ, ມີປະສິດທິຜົນ ແລະ ຮອບດ້ານກວ່າ. ທ່ານຮອງນາຍົກລັດຖະມົນຕີ ຫງວຽນທ້ຽນເຍິນ ຫວັງວ່າ ສອງຝ່າຍຈະສືບຕໍ່ເພີ່ມທະວີການຮ່ວມມືໃນທຸກຂົງເຂດ, ໂດຍສະເພາະແມ່ນການແລກປ່ຽນບົດຮຽນວຽກງານ ແລະ ຮ່ວມມືໃນການບຳລຸງສ້າງພະນັກງານ.
ກ່ອນໜ້ານັ້ນ, ທ່ານ ດິງຕ໋ຽນຢຸ້ງ ຫົວໜ້າອົງການກວດສອບແຫ່ງລັດຫວຽດນາມ ໄດ້ໃຫ້ການຕ້ອນຮັບຄະນະຜູ້ແທນຂັ້ນສູງອົງການກວດກາ ແລະ ກວດສອບສ.ເກົາຫຼີ ໂດຍທ່ານປະທານ Kun Yang ນຳນ້າ.