ຮອງນາຍົກລັດຖະມົນຕີ ຫງວຽນທ້ຽນເຍີນ ຕ້ອນຮັບເລຂາທິການໃຫຍ່ອົງການແລກປ່ຽນ ມະຫາບັນດິດ ເຢຍລະມັນ
(ພາບ: chinhphu.vn)
(vovworld) – ຕອນບ່າຍວັນທີ 9/5, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຫວຽດນາມ ຫງວຽນທ້ຽນເຍີນ ໄດ້ໃຫ້ການຕ້ອນຮັບເລຂາທິການໃຫຍ່ອົງການແລກປ່ຽນມະຫາບັນດິດ ສ ເຢຍລະມັນ, ທ່ານນາງ Dorothea Ruland ທີ່ພວມຢູ່ຢ້ຽມຢາມ ແລະ ເຮັດວຽກຢູ່ ຫວຽດນາມ. ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ຕີລາຄາສູງເລື່ອງວັນທີ 10/5, ຢູ່ຮ່າໂນ້ຍ, 2 ປະເທດຈະສົມທົບກັນຈັດຕັ້ງກອງປະຊຸມອະດີດນັກສຶກສາ ຫວຽດນາມ ທີ່ຮຳ່ຮຽນຢູ່ເຢຍລະມັນ, ນີ້ແມ່ນການເຄື່ອນໄຫວມີຄວາມໝາຍທີ່ສຸດ ແລະ ກໍ່ແມ່ນໂອກາດເພື່ອໃຫ້ບັນດາອະດີດນັກສຶກສາ ຫວຽດນາມ ທີ່ຮຳ່ຮຽນຢູ່ເຢຍລະມັນພົບປະ, ແລກປ່ຽນ ແລະ ທົບທວນຄືນບັນດາອະນຸສອນອັນດີງາມໃນຕະຫຼອດໄລຍະດຳລົງຊີວິດ ແລະ ຮຳ່ຮຽນຢູ່ເຢຍລະມັນ. ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ຫວັງວ່າ, ໃນໄລຍະໃກ້ໆນີ້, ອົງການແລກປ່ຽນມະຫາບັນດິດ ເຢຍລະມັນ ເວົ້າລວມ ແລະ ທ່ານນາງ Dorothea Ruland ເວົ້າສະເພາະຈະສືບຕໍ່ຊ່ວຍເຫຼືອ, ໜູນຊ່ວຍ, ສະໜອງທຶນການສຶກສາໃຫ້ແກ່ນັກສຶກສາ ຫວຽດນາມ ທີ່ພວມຮຳ່ຮຽນຢູ່ ເຢຍລະມັນ, ສືບຕໍ່ຈັດຕັ້ງບັນດາຊຸດບຳລຸງສ້າງປະລິຍາໂທ ແລະ ເໜືອມະຫາວິທະຍາໄລໃຫ້ແກ່ນັກສຶກສາ ຫວຽດນາມ, ອຸປະຖຳເພື່ອຜັນຂະຫຍາຍບັນດາໂຄງການຄົ້ນຄ້ວາ, ຮຳ່ຮຽນໄລຍະສັ້ນຢູ່ ເຢຍລະມັນ.