(vovworld) – “ເພື່ອພັດທະນາເສດຖະກິດ, ລົບລ້າງຄວາມອຶດຫິວຢ່າງໝັ້ນຄົງ, ລາຍເຈົາ ຕ້ອງກຳນົດບັນດາຮູບແບບເສດຖະກິດຕົ້ນຕໍ່, ພັດທະນາຂະແໜງກະສິກຳຕິດພັນກັບຜະລິດຕະພັນຂອງທ້ອງຖິ່ນ” ນີ້ແມ່ນຄຳຊີ້ນຳຂອງທ່ານຮອງນາຍົກລັດຖະມົນຕີ ຫງວຽນທຽນເຍີນ ໃນການເຮັດວຽກກັບການນຳຫລັກແຫລ່ງແຂວງລາຍເຈົາ ໃນວັນທີ 07/04. ທ່ານຮອງນາຍົກລັດຖະມົນຕີຫງວຽນທຽນເຍີນ ຊີ້ແຈ້ງວ່າ ລາຍເຈົາ ແມ່ນແຂວງພູດອຍທີ່ຕິດກັບຊາຍແດນຍັງປະສົບກັບຄວາມຫຍຸ້ງຍາກຫລາຍຢ່າງ, ເພາະສະນັ້ນ, ແຂວງຕ້ອງເອົາໃຈໃສ່ປະຕິບັດວຽກງານຮັບປະກັນຊີວິດສັງຄົມໃຫ້ແກ່ພໍ່ແມ່ປະຊາຊົນຢູ່ເຂດຫ່າງໄກຊອກຫລີກເປັນຢ່າງດີ ແລະ ເອົາໃຈໃສ່ຮັບປະກັນຄວາມສະຖຽນລະພາບດ້ານການເມືອງ - ສັງຄົມເຂດຊາຍແດນ. ທ່ານຮອງນາຍົກລັດຖະມົນຕີ ຫງວຽນທຽນເຍີນ ເວົ້າວ່າ.
“ຮູບແບບເກົ່າແມ່ນ ກ້າວຂຶ້ນຈາກທີ່ດິນ ແລະ ທຶນ, ແຕ່ທີ່ດິນສະຫງວນໃຫ້ແກ່ກະສິກຳຖືກຈຳກັດ ສ່ວນທີ່ດິນສະຫງວນໃຫ້ປ່າຍັງມີຢູ່, ພວກຂ້າພະເຈົ້າສະເໜີໃຫ້ບັນດາສະຫາຍກວດຄືນບັນຫານີ້ເພື່ອຂຸດຄົ້ນທ່າແຮງກ່ຽວກັບທີ່ດິນ. ທີ 2 ແມ່ນຮູບແບບພັດທະນາຕ້ອງອີ່ງໃສ່ແຫລ່ງທຶນຂອງລັດເພື່ອຊຸກຍູ້ຕະຫລາດ. ແຕ່ນີ້ແມ່ນຮູບແບບເກົ່າກ່ອນນີ້ 20 ປີແລ້ວ, ສ່ວນໃນ 10 ປີໃກ້ໆນີ້ ພວກເຮົາຕ້ອງມີຄົນງານທີ່ໄດ້ຮັບການບຳລຸງສ້າງ ແລະ ນຳໃຊ້ວິທະຍາສາດເຕັກໂນໂລຊີ, ຕ້ອງສ້າງກຳລັງແຮງໃຫ້ແກ່ການພັດທະນາທ້ອງຖິ່ນ, ເສີມຂະຫຍາຍຂໍ້ລິເລີ່ມຂອງປະຊາຊົນ ແລະ ວິສາຫະກິດ”.