ຮອງນາຍົກລັດຖະມົນຕີ ຫວູດຶກດາມ ໂອ້ລົມສົນທະນາກັບນັກສຶກສາ
(ພາບ: VGP/Nhật Bắc)
(vovworld) – ຕອນບ່າຍວັນທີ 28/12, ຢູຮ່າໂນ້ຍ, ໃນການໂອ້ລົມສົນທະນາກັບນັກສຶກສາ, ທ່ານ ຮອງນາຍົກລັດຖະມົນຕີ ຫວູດຶກດາມ ໄດ້ເນັ້ນໜັກເຖິງບົດບາດ ແລະ ໜ້າທີ່ຮັບຜິດຊອບຂອງນັກສຶກສາໃນໄລຍະຍູ້ແຮງການຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝ. ທ່ານ ຮອງນາຍົກລັດຖະມົນຕີ ກໍ່ສະແດງຄວາມປາຖະໜາວ່າ, ນັກສຶກສາຈະຮຳ່ຮຽນໃຫ້ດີ, ພ້ອມທັງສູ້ຊົນຫຼໍ່ຫຼອມກວ່າອີກ. ທ່ານໃຫ້ຮູ້ວ່າ:
“ລັດຖະບານບໍ່ພຽງແຕ່ປ່ຽນໃໝ່ການສຶກສາເທົ່ານັ້ນ, ຫາກຍັງ ປະຕິບັດຢ່າງແຮງ ເພື່ອມີການປ່ຽນແປງໃໝ່ກົນໄກການຄຸ້ມຄອງຢ່າງແຮງ, ສ້າງລະບອບເສດຖະກິດການຕະຫຼາດຕາມກຳນົດທິດສັງຄົມນິຍົມ. ໃນນັ້ນ, ຂອດສຳຄັນກວ່າໝູ່ແມ່ນວິສາຫະກິດຕ້ອງຮ່ວມກັນປະຕິບັດ ແລະ ສົມທົບກັນຢ່າງແໜ້ນແຟ້ນກັບບັນດາໂຮງຮຽນ. ພ້ອມກັນນັ້ນບັນດາວິສາຫະກິດກໍ່ຕ້ອງເຂົ້າຮ່ວມການສິດສອນ ເພື່ອມີແຫຼ່ງຊັບພະຍາກອນມະນຸດທີ່ດີກວ່າອີກ“.
ສ່ວນທ່ານລັດຖະມົນຕີກະຊວງວິທະຍາສາດ ແລະ ເຕັກໂນໂລຢີ ຫງວຽນກວນ ໃຫ້ຮູ້ວ່າ, ໃນໄລຍະຈະມາເຖິງ, ພັກ, ລັດຈະບຸລິມາສິດໃຫ້ແກ່ການພັດທະນາ ວິທະຍາສາດ ເຕັກໂນໂລຢີ, ໃນນັ້ນມີຫຼາຍກົນໄກສົ່ງເສີມບັນດານັກວິທະຍາສາດໜຸ່ມທີ່ມີຄວາມສາມາດບົ່ມຊ້ອນ, ສ້າງເງື່ອນໄຂໃຫ້ບັນດານັກວິທະຍາສາດໜຸ່ມເສີມຂະຫຍາຍກຳລັງຄວາມສາມາດ.