(vovworld) - ໃນຂອບເຂດການຢ້ຽມຢາມອັງກິດ, ຕາມຄຳເຊີນຂອງລັດຖະມົນຕີແຫ່ງລາຊະອານາຈັກອັງກິດ ແລະ ອາຍແລນເໜືອ, ວັນທີ 14/04, ທ່ານຮອງນາຍົກລັດຖະມົນຕີ ຫວູວັນນິງ ໄດ້ເຂົ້າຮ່ວມເວທີປາໄສວິສາຫະກິດຫວຽດນາມ - ອັງກິດ. ກ່າວຄຳເຫັນຢູ່ທີ່ນີ້, ທ່ານຮອງນາຍົກລັດຖະມົນຕີ ຫວູວັນນິງ ເນັ້ນໜັກວ່າ ຫວຽດນາມ ເອົາໃຈໃສ່ເຖິງການປ່ຽນໃໝ່ສະພາບແວດລ້ອມແຫ່ງການພັດທະນາ ແລະ ລົງທຶນຢ່າງໝັ້ນຄົງ, ຍາມໃດກໍ່ຖືຄວາມສະດວກ ແລະ ຜົນສຳເລັດຂອງບັນດາວິສາຫະກິດຕ່າງປະເທດ, ໃນນັ້ນມີບັນດາວິສາຫະກິດອັງກິດ ທີ່ພວມດຳເນີນທຸລະກິດຢູ່ຫວຽດນາມ ຄືຄວາມສະດວກ ແລະ ຜົນສຳເລັດຂອງຕົນ; ຖືຄວາມຫຍຸ້ງຍາກຂອງບັນດາວິສາຫະກິດຕ່າງປະເທດ ແມ່ນຄວາມຫຍຸ້ງຍາກຂອງຕົນ. ທ່ານຮອງນາຍົກລັດຖະມົນຕີ ຫວູວັນນິງ ຮຽກຮ້ອງໃຫ້ວົງການວິສາຫະກິດອັງກິດ ມີການເຄື່ອນໄຫວເຖິງບັນດາອົງການມີສິດອຳນາດອັງກິດ ສະໜັບສະໜູນກົນໄກເສດຖະກິດການຕະຫຼາດຂອງຫວຽດນາມ ໂດຍໄວ. ທ່ານຮອງນາຍົກລັດຖະມົນຕີໄດ້ສະຫງວນເວລາຕ້ອບຄຳຖາມເຊິ່ງວົງການນັກທຸລະກິດອັງກິດຄວາມສົນໃຈກ່ຽວກັບນະໂຍບາຍ, ເອກະສານທີ່ກ່ຽວຂ້ອງເຖິງການເພີ່ມອັດຕາຄວບຄຸມຂອງບັນດາບໍລິສັດຕ່າງປະເທດບົນຕະຫຼາດອະສັງຫາລິມະຊັບຫວຽດນາມ ກໍ່ຄືສະແດງຄວາມເຊື່ອມໝັ້ນກ່ຽວກັບຄວາມສາມາດບັນລຸໄດ້ FTA 2 ຝ່າຍລະຫວ່າງຫວຽດນາມ - EU ໃນປີ 2014 ນີ້.